Aantu oyendji muuyuni oye na ompumbwe yiikulya nomagumbo. Yamwe kaye na etegameno lyonakuyiwa. Ngele otwa ningi oonkambadhala tu kwathele aantu mboka, Kalunga ota ka kala e tu hokwa note ke tu yambeka.

“Ngoka ta sile ohepele ohenda, ota pungula kOmuwa, Omuwa ote ke mu futila iilonga ye iiwanawa.” — OMAYELETUMBULO 19:17.

Jesus okwa li a lombwele aantu eyele kombinga yomulumentu gumwe ngoka a li a ponokelwa kaayugi, e taye mu thigi e na okamwenyo okashona. (Lukas 10:29-37) Omulumentu gwontumba okwa li e ya puye e te mu kwathele. Okwa li e shi ningi nonando okwa za momuhoko gulwe.

Omulumentu ngoka omunalukeno kali owala a pe omulumentu ngoka a dhengwa ekwatho lyotango noompumbwe dhopalutu, ihe okwa li wo e mu hekeleke e ta pepelelwa kuudhigu we.

Meyele ndika otatu ilongo mo shike? Jesus okwa li ta yelitha kutya otu na okukwathela mboka ye li mompumbwe momukalo kehe tatu vulu. (Omayeletumbulo 14:31) Oohapu dhaKalunga otadhi ti kutya masiku Kalunga ota ka hulitha po oluhepo nokumona iihuna. Ihe otashi vulika tu ipule kutya ongiini nuunake Kalunga te ke shi ninga? Oshitopolwa tashi landula otashi ka yelitha kutya omayambeko geni Omushiti gwoye omunahole te ke ku pa.