Mbela oto vulu okukala nonkalamwenyo ombwanawa sigo aluhe?
Oto ka yamukula ngiini uuna wa pulwa epulo ndyono . . .
mbela oto ka tya eeno?
nenge oto ka tya aawe?
nenge oto ka tya pamwe ngaa?
SHOKA OMBIIMBELI TAYI TI
“Aayuuki otaa ka thigulula evi e taa kala mo sigo aluhe.” — EPISALOMI 37:29.
UUWANAWA MBOKA HAWU ZI MOKWIILONGA SHOKA OMBIIMBELI TAYI TI
Oto ka mona onakuyiwa ombwanawa nombili yaaluhe pamwe naantu yaandjeni nosho wo nookuume koye. — JEREMIA 29:11.
Ito ka kala owala nomwenyo ethimbo efupi, ihe oto ka kala sigo aluhe. — EPISALOMI 22:26.
OTATU VULU NGAA SHILI OKWIITAALA SHOKA OMBIIMBELI TAYI TI?
Eeno! Opo wu mone kutya omolwashike to vulu okwiitaala shoka tayi ti, konakona uuyelele mboka wu li miileshwa itatu yokambo haka. Oyi na iipalanyolo tayi ti:
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
