Efalomo lyoshitopolwa oshi-2
Omolwashike Jehova a li a hanagula po uuyuni wopethimbo lyonale nEyelu? Petameko mondjokonona yaantu, olugodhi olwa li lwa tameke pokati kuuwanawa nuuwinayi. Aantu yamwe ngaashi Adam, Eva nomwanamati gwawo Kain oya hogolola okulonga uuwinayi. Yalwe ngaashi Abel naNoa, oya hogolola okulonga uuwanawa. Aantu oyendji oya ningi aawinayi, na Jehova okwa tokola okuhulitha po uuyuni mboka wa li wa kolokosha. Oshitopolwa shika otashi ke tu kwathela tu mone kutya Jehova oku wete ombinga ndjoka twa hogolola. Otashi tu kwathele wo tu mone kutya ke na nando esiku e ethe uuwinayi wu sinde uuwanawa.
MOSHITOPOLWA SHIKA
OSHIILONGOMWA 3
Adam naEva inaya vulika kuKalunga
Oshike sha li shi ikalekelwa kombinga yomuti ngoka gwa li moshikunino shaEden? Omolwashike Eva a li oshiyimati shagwo?
OSHIILONGOMWA 4
Ongeyo oye mu ningitha a dhipage
Kalunga okwa taamba eyambo lyaAbel, ihe ina taamba lyaKain. Sho Kain e shi mono, okwa geye, e ta ningi oshinima oshinyanyalithi.
OSHIILONGOMWA 5
Onguluwato yaNoa
Aayengeli aawinayi mboka ya zi megulu oya hokana aakiintu yokombanda yevi, e taya vala aanona yaamati aanankondo naakwanyanya. Iikolokosha oya li apuhe. Ihe Noa okwa li a yooloka ko, oshoka okwa li e hole Kalunga noha vulika kuye.
OSHIILONGOMWA 6
Aantu owala yahetatu ya hupile pethimbo lyEyelu
Omvula oya loko omasiku 40, uusiku nomutenya. Noa noyaandjawo monguluwato oya kala mo uule womvula nasha. Hugunina, oya li taya vulu okuza mo.
