Aawe, Oonzapo dhaJehova ihadhi gandja oshitimulongo; iilonga yetu ohayi ambidhidhwa noshimaliwa hashi gandjwa nehalo ewanawa. Mbela oshitimulongo oshike, nomolwashike Oonzapo dhaJehova ihaadhi gandja oshitimulongo?

 Oshipango shi na ko nasha noshitimulongo, nenge nokugandja oshitimulongo shiiniwe yomuntu, osha li oshitegelelwa shOmpango ndjoka ya li ya pewa oshigwana shaIsraeli shonale. Ihe nonando ongaaka, Ombiimbeli otayi shi yelitha kutya Ompango, ndjoka ya kwatela mo ‘okupula oshitimulongo,’ itayi longo kAakriste. — Aahebeli 7:5, 18; Aakolossa 2:13, 14.

 Pehala lyokugandja oshitimulongo nenge iigandjwa, Oonzapo dhaJehova ohadhi landula oshiholelwa shAakriste yopetameko mokuyambidhidha iilonga yawo momikalo mbali: mokulonga itaaya futwa nomokugandja sha nehalo ewanawa.

 Kungawo otatu landula elombwelo ndjoka lya pewa Aakriste li li mOmbiimbeli, tali ti: “Kehe gumwe na gandje, ngaashi eiyuvo lye tali mu lombwele, hanokungungutula nenge kethiminiko. Oshoka Kalunga oku hole ngoka ta gandja nenyanyu.” — 2 Aakorinto 9:7.