Oloca Moolekecheya
YOOHUSERYA 15
Oloca Moolekecheya
ECHU YAWEERA: Mooniherye wi munneemererya eparipari nave echu munalocaanyu ti yoochuneya.
MUKHALELO WA WEERANO:
● Murehererye mwaha woothene. Muhuserye mwaha ophiyerya wiiwexexa muupuwelo wookhweleya mukhalelo Piipiliya onooniheryeiye wi eparipari. Mweererye oloca miyaha mitokweene sa mwahaanyu mmasu avakhaani ni ookhweya. Muthokororye mukhalelo enahaalaaya waakhaviherya oowiriyana anyu. Mvekele ntakhara munepa waweela.
Murehererye mwahaanyu mulocaka moovuwa wi mukhaleno mmuupuweloni mwaha woothene ni orehererya operekha wanyu.
● Mpharihele masu yaawo anooniherya olekecheya. Ohiya wuuluulela masu ari va epapeli, mpharihele masu anyu. Muthanle masu anooniherya wi munnasuwela echu munalocaanyu.
● Mooniherye wuukhuwa weeparipari. Muloce moophimelela ovuwa wa masu anyu. Yakhala yaweemereryeya nipuro munakhalaanyuwo, mwaavareryeke oowiriyana anyu.
Muhaakanyere wooniherya olokecheya ni okhala oophuca, naari oloca masu ookhinyeererya. Vaavaa munalocaanyu moolucuwa, mwaacenyerya oowiriyana anyu mmukhalelo woosivela.
