Nakai. Nakai hakahaka he fakatokatokaaga ha mautolu e tau kifaga, tau pepa, po ke tau lologo ke pule ke he tau mena kua lata ke tiaki he tau tagata takitaha. Ko e ha?

  Fakamafana he Tohi Tapu kua igatia e tau tagata takitaha mo e “mahani he ako mua ai” ke mailoga e tau mena mitaki mo e tau mena kelea.​​​—Heperu 5:14.

  Fakavē i loto he Tohi Tapu e tau matapatu fakaakoaga aoga ke maeke e Kerisiano ke mailoga ka fifili e fakafiafiaaga. a Ke he tau faahi oti he moui, ko e foliaga ha tautolu ke “kumikumi . . . e tau mena kua fiafia e Iki ki ai.”​​​​—Efeso 5:10.

  Fakaako he Tohi Tapu kua ha ha he tau ulu he magafaoa e pule ke maeke a lautolu ke fifili e tau fakafiafiaaga ke lata mo e tau tagata takitaha he magafaoa haana. (1 Korinito 11:3; Efeso 6:1-4) Ka e i fafo he magafaoa, nakai fai tagata kua fifili ke pā e tau kifaga, tau lologo, po ke tau tagata uhu lologo ke nakai lata ma e Tau Fakamoli.​​​​—Kalatia 6:5.