Silalela isiluleko seBhayibheli sokuthi ‘sihloniphe’ woke umuntu—kungakhathaliseki ukuthi unaziphi iinkolelo. (1 Pitrosi 2:17) Ngokwesibonelo, kwezinye iinarha kunamakhulu weenkulungwana zaboFakazi bakaJehova. Nanyana kunjalo, asilingi ukugandelela abosopolitiki namkha abenzi bomthetho bona balinganisele namatjhana bavimbele umsebenzi wezinye iinqhema zekolo. Godu asibi namajima wokwenza bona kube nemithetho ezokukatelela iinkolelo zethu ezingokwekolo nezingokokuziphatha emphakathini. Kunalokho, sibekezelela abanye ngendlela nathi esifuna ukubekezelelwa ngayo.—Matewu 7:12.