Abantu abanengi ephasini loke batlhoga ukudla neendawo zokuhlala. Abanye batlhoga ithemba ngengomuso. Imizamo yokusiza abantu abanjalo ingenza njani bona uZimu asibusise?

“Onomusa kochakileko, uboleka uSomnini, yeke uzamvuza ngalokho.”—IZAGA 19:17.

UJesu wenza umfanekiso ngendoda eyahlaselwa badlelezeli bayitjhiya bacabanga bona ihlongakele. (Lukasi 10:29-37) Umuntu ongaziwako wajama wasiza indoda elimele kabuhlungu le. Wenza lokhu nanyana angewesinye isitjhaba.

Indoda enomusa le akhenge ilaphise indoda elimeleko begodu iyisize ngeentlhogo zayo kwaphela, kodwana iyiduduzile yayenza yatjhaphuluka ekugandelelekeni kwayo.

Sifundani emfanekisweni lo? UJesu bekatjengisa ukuthi kufuze sisize labo abatlhoga isizo, sibasize ngananyana ngiyiphi indlela. (IzAga 14:31) ImiTlolo eCwengileko ifundisa ukuthi kungasi kade uZimu uzokuphelisa umtlhago. Kungenzeka siyazibuza ukuthi uZimu uzowuphelisa njani begodu nini? Isihloko esilandelako sizokukhuluma ngeembusiso uMdalakho okuthandako akubekele zona.