BA GORE BA SA GOLA
9: Go Titšiba
GO RELA YING
Go titšiba a di rele go fo tšiba lebitso lago kela go fo tšiba gore o bonagala byang. Di tokegela le go tšiba mekgwa yago, tso o di dumelang, le gore o mošaga mang wa motho. Go tšiba gore ke wene mang ke go tšiba so o leng sona—ka ku teng teng le ka tawong.
KE NTABA GO LE SELO SE SEGOLO
Mo o tšiba gore ke wene mang, o thogo yemelela tso o di dumelang o sa yikele dithaka tsago gore di go goge ka nko.
“Batho ba go tlala ba tshwana le dimpopi tsa gore ba di yapesiye dikobo tso di rekisiwang ke mokane ba di beya lefasetereng la setolo so sone. A dya tihlawolela dikobo tso di di yapereng, di hlawodiye ke ba bangwana.”—Adrian.
“Ke tšhutiye go yemelela nnete le mo di thathafa. Ke thogo tšiba gore banghana baka ba mannete ke bo mang ka tso ba di makang le tso nna ke di makang mo ke le nabo.”—Courtney.
TŠHIKO YA BAEBELE: “Lesetsaneng go kutšetsela ke batho ba lefase lowa.”—Maroma 12:2.
SO O KA SE MAKANG
Thomisa ka go tšiba gore gana byalo ke wene mang o boye o tšibe le mošaga wa motho ye o nyakang goba yene ku mahlong ka go nyakolla tso o kgonang go di maka gabutši, tso di go šitang le tso o di dumelang. O ko ba o thomisiye gabutši mo o ka fetola dipotsiso tsowa.
Tso o di makang gabutši: Ke na le ditalente difeng? Ke dilo difeng tso ke kgonang go di maka gabutši? (Mo re beyisa: Ayitsano ke tshwara nako? ke kgona go titshwara? ke karakara ka matla? a ke konane?) Ke dilo difeng tsa gabutši tso ke di makang?
SO O KA SE MAKANG: Ayitsano di ya thathafa gore o bona dilo tsa gabutši ho gago? Botsisa mmelegi wago kela monghanago wa gore wa tshepega a go botse gore ke dilo difeng tsa gabutši tso o kgonang go di maka fote ke ntaba.
TŠHIKO YA BAEBELE: “Ye mongwana le ye mongwana a nyakolle tso a di makang, ke mokane o ko thogo ba le so se jabodisang yene mong, a sa titshwanisi le motho ye mongwana.”—Magalata 6:4.
Tso o gayelang ga tsona: Ga mekgwa yo ke nang nayo ke kaye ga gore di nyaka ke ghobolle ka matla? Mo ke leketsiwa ke kaye mo nka goromelang lula? Di nyaka ke kgona go titshwara ka matla ga taba yifeng?
TŠHIKO YA BAEBELE: “Mo re hlaya gore, ‘A re sinyi,’ re ko ba re titshokanya.”—1 Johane 1:8.
Tso o di dumelang: Mo di tla ga taba ya go titshwara ke latela molawo wofeng fote ke ntaba? Nje ke ya tshepa gore Modimo o gona? King so se makang gore ke sa kamake gore o gona? Ke dilo difeng tso batho ba di makang tso ke tseyang go le bošidi fote ke ntaba? King so ke se dumelang ka dilo tsa ku mahlong?
TŠHIKO YA BAEBELE: “Go berekisa monagano go nyoko go pasopa, le go hlawola gabutši go nyoko ba legawu lago.”—Diyema 2:11.
