Eya, Bhayibele yi di beya lekgwaying tsa gore Modimo o gona. Yi re hlohletsela gore re be le tumelo ga Modimo, re sa fo dumela tso di tšhutisang ke dikereke, mara re “berekise menagano” ya rune ka taba la gore re tšiba “ditaba ka mokana ga tsona.” (Maroma 12:1; 1 Johane 5:20) Lebelela tso Bhayibele yi di hlatollang:

•   Dilo tso di leng legedimong le lefaseng tsa gore di ya phela di šupetsa gore go na le ye a di Makiyeng. Bhayibele yi re: “Ke nnete gore ntlo ye nngwana le ye nngwana yi yaga ke motho mara ye a makiyeng dilo ka mokana ga tsona ke Modimo.” (Maheberu 3:4) Le mo taba yowa yi bonala nkare yi lula, mara ba go tlala ba gore ba tšhutegiye ya ba makatsa. a

•   Ka hlago, rune batho re kwa re nabela go kwisisa gore re gabutšibutši re phelela ying, go leng taba ya gore yi fo šala yi re hlupa le mo go se na so re se gayelang. Nka mokgo Bhayibele yi hlayang mo yi re ke go ‘nyaka go yetetsa ke Modimo,’ go leng so se makang gore re kwe re nabela go tšiba Modimo le go mo rapela. (Matewu 5:3; Kutullo 4:11) Taba ya go nyaka go yetsetsa ke Modimo a yi ya go fo šupetsa gore Modimo o gona mara yi boya yi šupetsa gore ke Modimo wa go nyakanana wa gore o nyaka re tikwe re yenele.—Matewu 4:4.

•   Diporofeto tso di leng ka ho Bhayibeleng di ngwadiwwe botala di soko makega fote di yye dya makega ka mokgo di hlayiwweng. Ka mokgo di korolang ka gona di napa di yi beya lekgwaying gore di tšwa ga wa gore o na le matšhika ya go sa hlayisege.—2 Petro 1:21.

•   Bo ba ngwadiyeng Bhayibele ne ba hlalefiye tsa gore le bo ne ba phela nabo ka dinako tsa bona ne ba sa kwisisi. Mo re beyisa, batho ba go tlala ba gore ba phidiye ku botala ne ba dumela gore lefase ne le simme ka diphoolwane, tsa go tshwana le tlowu, kolobe ya hlaga kela kgomu ya pholo. Mara Bhayibele yi re Modimo “aa thegeletsa lefase ka selo.” (Jobo 26:7) Gabutšibutši, Bhayibele yi hlatolla gore lefase le yemme go tshwana le “kgokolo.” (Jesaya 40:22, setwaba; Douay Version) Batho ba go tlala ba nagana gore ditaba tso tsa gore di ya kwagala tsa gore di hlatolla ke bo ba go ngwala Bhayibele di tšwa go Modimo.

•   Bhayibele yi fetola diputsiso tsa go tlala tsa gore a di lula tsa gore fote mo di ka šiya motho a sa kgotsofala, di ka maka gore a sa dumeli ga Modimo. Mo re beyisa: Mo nkare Modimo wa nyakanana fote o na le matšhika ka mokana ga wona, byalo ke ntaba re hlupega fote go tlele dilo tsa go befa ho lefaseng? Ke ntaba ga go tlala sedumedi se kutšetsela gore go makiwe dilo tsa go befa?—Tito 1:16.