TABA YA LETLAKALA LA KA NTLE | NA BEIBELE E BOHLOKWA LEHONO?
Ditekanyetšo tšeo ka Mehla di Šomago go Batho Bohle—Boitshwaro
MOLAO WA MOTHEO WA BEIBELE: “Setlaela se ntšha bogale bja sona ka moka, eupša yo bohlale o thekga ditho go fihla mafelelong.”—Diema 29:11.
“Ruri ke kwa eka ke phonyokgile lehu!”
MEHOLA: Ge go ka thwe o ngwale mehola ya go ba le boitshwaro, go tla nyakega gore o be le matlakala a mantši! Go ba gona, seka se se dira gore re phele gabotse mmeleng. Beibele e re: “Pelo e thabilego e phediša mmele.” Gape e bolela gore: “Pelo e thabilego e etša sehlare se se fodišago.” (Diema 14:30; 17:22) Ka mo go fapanego, dinyakišišo di bontšha gore batho bao ba dulago ba galefile le go ba le lehloyo ba ipea kotsing ya go swarwa ke malwetši, kudukudu bolwetši bja pelo. Ke therešo gore mehola ya go ba le boitshwaro e feta kgole go phela gabotse mmeleng.
Cassius, yoo ga bjale a lego nywageng ya gagwe ya bo-30 o gopola ka gore: “Ke be ke rata dingangišano e bile ke le sefelapelwana, gomme gantši ke thoma dintwa. Ke be ke sa itlhomphe gakaalo. Eupša tše ka moka di ile tša fela ge ke thoma go diriša melao ya motheo ya Beibele. Ke ithutile go laola kgalefo ya ka le go hlagolela boikokobetšo gotee le moya wa go lebalela. Ge nkabe ke sa dira bjalo, mohlomongwe nkabe ke le kgolegong. Ruri ke kwa eka ke phonyokgile lehu!”
Cassius o ithutile go laola kgalefo ya gagwe le go lebalela
You May Also Like
PHAFOGA!
Ditekanyetšo tša Boitshwaro Tšeo di Humišago e le ka Kgonthe
Kgopolo e tlwaelegilego ke ya gore, ‘Ge e ba o nagana gore selo se itšego se lokile, se dire. Latela pelo ya gago.’ Na ke gabohlale go nagana ka tsela ye? Bona kamoo Beibele e neago ditekanyetšo tšeo o ka di botago.
