1 | Thapelo “Lahlela[ng] Dipelaelo Tša Lena ka Moka go Yena”
BEIBELE E RE: ‘Lahlelang dipelaelo tša lena ka moka go Modimo, gobane o a le hlokomela.’—1 PETRO 5:7.
Seo se ra go Re’ng
Jehofa Modimo o re laletša gore re bolele le yena ka selo se sengwe le se sengwe seo se re tshwenyago.(Psalme 55:22) Ga go na bothata bjoo re ka rego ke bjo bogolo kudu goba bjo bo nnyane kudu gore re ka rapela ka bjona. Ge e ba bo re tshwenya, gona le Jehofa o a tshwenyega ka ge a na le taba le gore re ikwa bjang. Go bohlokwa kudu go rapela Jehofa ka gore seo se tlo re thuša gore re be le khutšo.—Bafilipi 4:6, 7.
Seo se ka re Thuša Bjang
Ge e ba re na le selo seo se re tshwenyago goba seo se re gateletšago monagano, re ka ikwa re le nnoši. Ga se ka mehla moo batho ba bangwe ba ka kwešišago ka botlalo gore re lebeletšane le eng. (Diema 14:10) Eupša ge e ba re rapela Modimo go tšwa pelong, o tla re theetša le go re kwešiša. Jehofa o a re bona e bile o tseba mathata a rena, le gona o nyaka re mmotša dilo ka moka tšeo di re tshwenyago.—2 Dikoronika 6:29, 30.
Re kgodišega le go feta gore Jehofa o na le taba le rena ge re boledišana le yena ka thapelo. Re ka ikwa go swana le mopsalme yo a ilego a rapela ka gore: “O bone mohlako wa ka; o tsebile ka tlalelo ya moya wa ka.” (Psalme 31:7) Go no tseba gore Jehofa o a bona gore re lebeletšane le eng, go ka re thuša go kgotlelela maemo a boima. Eupša ga a no bona dilo tšeo di re tshwenyago fela, o re kwešiša go feta batho ba bangwe ka moka, o a kwešiša gore re lebeletšane le eng e bile o re homotša a diriša Beibele.
You May Also Like
MOROKAMI
O ka Rapela Bjang Gore Modimo a kwe Dithapelo tša Gago?
O ka rapela Modimo nako e nngwe le e nngwe, go sa šetšwe gore o gokae. O ka mo rapela ka go hlaboša goba wa mo rapela ka pelong. Jesu o re thušitše go bona gore re ka rapelela eng.
DITEMANA TŠA BEIBELE DI A HLALOSWA
Tlhaloso ya Jesaya 41:10—“O se ke wa Boifa Gobane ke na le Wena”
Jehofa o dirišitše dipolelwana tše tharo go bontšha bahlanka ba gagwe gore ruri o tla ba thekga.
BAFSA BA A BOTŠIŠA
Ke ka Baka la Eng ke Swanetše go Rapela?
Na re no rapela feela gore re ikwe re le kaone goba thapelo e a thuša?
MOROKAMI
Na Ruri Modimo o kwa Dithapelo tša Rena?
Beibele e re botša gore Modimo o theetša dithapelo tša rena ge e ba re mo rapela ka tsela yeo a e nyakago.
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.
