KOPELO 14
Go Reta Kgoši e Mpsha ya Lefase
-
1. Lešaba le bokane go tšwa
ditšhabeng ka moka,
Lona le kgobokeditšwe ke
Kriste le batlotšwa.
Mmopi o buša ka Kriste,
Thato ya gagwe e dirwe.
Kholofelo ye e bohlokwa
E bile e a homotša.
(KHORASE)
Tumišang Jehofa; Tumišang le Morwa;
Yena Morena wa marena.
Re tla tumiša Jah ka botee
Ka mo go sa felego.
-
2. Ka lethabo re reta Kriste
Kgoši e bušago.
Kgošana ye ya Khutšo e
Tla re nea bophelo.
Re tla phela ka lethabo
Mo go se nago poifo.
Go tla ba le tsogo ya bahu,
Ya ba nako ya lethabo!
(KHORASE)
Tumišang Jehofa; Tumišang le Morwa;
Yena Morena wa marena.
Re tla tumiša Jah ka botee
Ka mo go sa felego.
