1. Ge re dutše re kgothatšana,

Re hlankela ka potego,

Re tiiša lerato la rena,

Gwa ata kwano le khutšo.

Ka ge re dula re ratana,

Re kgona go kgotlelela.

Phuthego ya rena ke sebo,

Lefelo la tšhireletšo.

2. Ke mo go thabišago ruri

Go kwa lentšu la kgothatšo!

Re kwa le mantšu a khomotšo

Go bagwera ba potego.

Re thabela go dirišana

Le badumedigotee.

Re nyaka go matlafatšana,

Re rwalelane merwalo.

3. Mahlo a tumelo a bona

Go tla ga letšatši la Jah.

Go bokana ke gabohlokwa,

Go re lota tseleng ya Jah.

Rena le batho ba Jehofa

Re tla dula re ratana.

Ka gona re a kgothatšana

Gore re dule re tiile.