God íinízingo éí ní sínízínígíí shee hodíísįįł, áádóó ayóóʼóʼóʼnínígíí dóó nijéí tʼáá átʼé bee shá nanilʼaʼ doo nízin. (Matthew 22:​37, 38; James 4:8) Jesus beʼiinaʼ dóó naʼneeztą́ą́ʼ áyiilaaígíí éí God íinízinii bíhwiidííłʼááł. (John 7:​16, 17) Jesus éí God íinízinii doo tʼóó yee yáłtiʼ da ńtʼééʼ. Ákondi God bibee hazʼáanii yikʼeh hółʼı̨́ı̨́. Bééhózinígo, Jesus íiyisíí beʼiinaʼ biniyé áyiilaaígíí éí “doo tʼáá shí íinisinígi átʼéego ádeeshnííł . . . nidi shiníłʼaʼii íinízinígíí éí ádeeshnííł biniyé níyá.”—John 6:38.

Shił chʼídiʼnídláadgo doodaiiʼ shił áhoodzaago God íinízinii shił bééhodoozįįłísh?

Ndagaʼ, biniinaaígíí éí Diyin Bizaad tʼáá íídą́ą́ʼ God íinízinígíí ił haneʼgo bílaʼashdlaʼii bichʼįʼ ályaa. Éí haʼátʼíí nínízin dooígíí bee “tʼáá ałtsojįʼ yáʼátʼééh ájooníił doo biniyé hashtʼeʼázdólzin doo.” (2 Timothy 3:​16, 17) Diyin Bizaad dóó hazhóʼó baa nitsáhákees bikʼidiitįįh, God íinízinii bíhoołʼaah.—Romans 12:​1, 2; Ephesians 5:17.

Tʼáásh God íinízinii ádeeshlíiłgo átʼé?

Aooʼ, Diyin Bizaad ání: Háálá “yee hasʼáanii doo ade átʼée da.” (1 John 5:3) God bibee hazʼáanii áłahjįʼ binaalnishgo bikʼeh honíłʼı̨́įgo nanitłʼah dooleeł, ndi yéigo God bibee hazʼáanii binanilnishgo bitsʼą́ą́dóó yáʼátʼéehii náádoolyééł. Jesus tʼáá bí ání: “Diyin God bizaad deidiitsʼaʼgo yikʼeh dahółʼínígíí éí aláahgo [hózhǫ́ bee] bikʼidahojidlí!”—Luke 11:​28, New World Translation.