EISHOMO 01
Baibuli Neebaasa Kukuhwera Eta?
Haihi twena twine ebibuuzo ebirikukwata aha magara, okubonabona, okufa, n’ebiro by’omumaisho. Kandi nitwerarikirira n’aha nshonga eza butoosha, nk’okwebaisaho nari okugira eka erimu okushemererwa. Baingi bashangire ngu Baibuli neebahwera kugarukamu ebibuuzo bikuru ebirikukwata aha magara, kandi neebaha n’obuhabuzi omu mbeera eza butoosha. Haine ou orikumanya ou Baibuli erikubaasa kuhwera?
1. Ni bibuuzo ki ebimwe ebi Baibuli erikugarukamu?
Baibuli neegarukamu ebibuuzo bikuru ebi: Ebintu ebiine amagara bikabaho bita? Ekigyendererwa ky’okubaho niki? Ahabw’enki abantu abataine rubanja nibabonabona? Niki ekirikubaho omuntu yaafa? Buri omwe ku araabe naayenda obusingye, ahabw’enki hariho entaro nyingi? Ensi neija kuba eta omu biro by’omumaisho? Baibuli neetuhiga kusherura eby’okugarukamu by’ebibuuzo nk’ebyo, kandi abantu nyamwingi bashangire ngu neegarukamu ebihikire.
2. Baibuli neebaasa kutuhwera eta kushemererwa buri izooba?
Baibuli neetuha obuhabuzi burungi. Nk’eky’okureeberaho, neeyegyesa oku amaka garikubaasa kugira okushemererwa okwabuzima. Neetuhabura oku turikubaasa kwemera amaganya n’oku twine kukunda emirimo yaitu. Nooza kwega eki Baibuli erikwegyesa aha nshonga ezi n’ezindi nyingi twagumizamu nituhikaanisa hamwe ebiteekateeko. Noija kubaasa kuhamya ngu “Ebyahandiikirwe byona [buri kimwe ekiri omu Baibuli] . . . biine omugasho.”—2 Timoseo 3:16.
Akatabo aka tikarikuza omu mwanya gwa Baibuli. Kureka, nikakuhiga kweshwijumira Baibuli. N’ahabw’ekyo, nitukuhiga kushoma ebyahandiikirwe ebiri omu mashomo aga kandi obigyeragyeranise n’ebi orikwega.
SHWIJUMA GYE
Reeba oku Baibuli ehweraire abantu, oku orikubaasa kukunda kugishoma, n’enshonga ahabw’enki ni kirungi kutunga obuhwezi kubaasa kugyetegyereza.
3. Baibuli neebaasa kutumurikira
Baibuli ni nk’ekyererezi ky’amaani. Neebaasa kutuhwera kwega kucwamu gye, n’okumanya ebiraabeho omu biro by’omumaisho.
Shoma Zaaburi 119:105, kubaasa kugarukamu ebibuuzo ebi:
-
Omuhandiiki wa zaaburi egi akaba naatwara ata Baibuli?
-
Iwe Baibuli noogitwara ota?
4. Baibuli neebaasa kugarukamu ebibuuzo byaitu
Baibuli ekahwera omukazi omwe kugarukamu ebibuuzo ebyabaire bitwire nibimuteganisa kumara emyaka mingi. Zaana VIDIYO, kubaasa kugarukamu ebibuuzo ebirikukurataho.
-
Omu vidiyo, omukazi akaba aine bibuuzo ki?
-
Okwega Baibuli kukamuhwera kuta?
Baibuli neetuhiga kubuuza ebibuuzo. Shoma Matayo 7:7, kubaasa kugarukamu ekibuuzo eki:
-
Oine bibuuzo ki ebi Baibuli erikubaasa kugarukamu?
5. Noobaasa kukunda kushoma Baibuli
Abantu baingi nibakunda kushoma Baibuli kandi nibagigasirwamu. Zaana VIDIYO, kubaasa kugarukamu ebibuuzo ebirikukurataho.
-
Omu vidiyo egi, eminyeeto bakaba baine miteekateekyere ki aha kushoma?
-
Ahabw’enki hati baine emiteekateekyere y’omutaano aha kushoma Baibuli?
Baibuli erimu obuhabuzi oburikubaasa kutuhuumuriza tukagira n’amatsiko. Shoma Abarooma 15:4, kubaasa kugarukamu ekibuuzo eki:
-
Baibuli okuraganisa amatsiko n’okuhuumuriza nikikushemeza?
6. Abandi nibabaasa kutuhwera kwetegyereza Baibuli
Baingi bashangire kirikuhwera kugaaniira ahari Baibuli n’abandi, oyihireho okugyeshomera bonka. Shoma Ebyakozirwe 8:26-31, kubaasa kugarukamu ekibuuzo eki:
-
Nitubaasa kwetegyereza tuta Baibuli?—Reeba omushororongo 30 na 31.
ABAMWE NIBAGIRA NGU: “Okwega Baibuli n’okushiisha obwire.”
-
Iwe ekyo nookigambaho ki, kandi ahabw’enki?
OMU BUGUFU
Baibuli neeha obuhabuzi, neegarukamu ebibuuzo bikuru, kandi neeha abantu obuhuumure n’amatsiko.
Okweijutsya
-
Nitubaasa kutunga buhabuzi ki omu Baibuli?
-
Ni bibuuzo ki ebimwe ebi Baibuli erikugarukamu?
-
Niki eki orikwenda kwega omu Baibuli?
JUMBURA EBINDI
Yetegyereze oku obuhabuzi bwa Baibuli burikuhwera abantu hati.
“Enyegyesa za Baibuli Nizikora Obwire Bwona” (Omunaara gw’Omurinzi Na. 1 2018)
Reeba oku Baibuli yaahweraire omushaija owaabaire naateganisibwa enyehurira ze kuruga omu buto.
Yetegyereze obuhabuzi bwa Baibuli oburikugasira eka.
Yega oku Baibuli erikuhwera abantu kumanya gye buzima orikutegyeka ensi.