ABAMWE NIBAIKIRIZA ngu n’okutegyeka kwa Ruhanga omu mitima y’abantu, kandi abandi nibateekateeka ngu nikimanyisa okuteeraho kw’abantu kureeta obusingye n’obumwe omu nsi. Iwe nooteekateeka ki?

EKI BAIBULI ERIKWEGYESA

“Ruhanga w’omu iguru aryataho obundi bugabe, obutaricwekyerezibwa ebiro byona. . . . Buryayatagura obwo bugabe [bw’abantu] bwona, bubumareho.” (Danieli 2:44) N’ahabw’ekyo Obukama bwa Ruhanga ni gavumenti eyaabuzima.

EKINDI EKI TURIKWEGA OMU BAIBULI

• Obukama bwa Ruhanga nibutegyekyera omu iguru.​—Matayo 10:7; Luka 10:9.

• Ruhanga naakoresa Obukama bwe kuhikiiriza ekigyendererwa kye omu iguru n’omu nsi.​—Matayo 6:10.

NOOBAASA KUGARUKAMU OTA?

• Tihaine orikumanya

• Juba

• Tiburiija

EKI BAIBULI ERIKWEGYESA

“Engiri egi ey’Obukama eryagambwa omu nsi zoona okuba eky’okuhamya aha mahanga goona; obwo nibwo emperu erihika.” (Matayo 24:14) Amakuru marungi ku garaaheze kubuurirwa omu bwijwire, Obukama bwa Ruhanga nibwija kucwekyereza ensi egi embi.

EKINDI EKI TURIKWEGA OMU BAIBULI

• Tihariho n’omwe omu nsi orikumanya obwire bwenyine obu Obukama bwa Ruhanga buraije.​—Matayo 24:36.

• Obunabi bwa Baibuli nibworeka ngu Obukama bwa Ruhanga nibwija kwija juba.​—Matayo 24:3, 7, 12.