Menli Dɔɔnwo Sukoa Ɛgengalɛ Nee Ɛhɛlɛlɛ
Gyihova Alasevolɛ ɛboa menli mɔɔ bo 5,700 ɛmaa bɛnwu ɛgengalɛ nee ɛhɛlɛlɛ wɔ 2011 ne anu.
Ghana:
Yɛboa menli mɔɔ bo 9,000 la yɛmaa bɛzukoa ɛgengalɛ nee ɛhɛlɛlɛ wɔ ɛvolɛ 25 mɔɔ ɛze la anu.
Zambia:
Ɔvi 2002 mɔ ba la, menli 12,000 ɛnyia anyuhɔlɛ wɔ ɛgengalɛ nee ɛhɛlɛlɛ nu. Agnes mɔɔ ɛli ɛvolɛ 82 la, ka kɛ: “Mɔɔ bɛbɔle ye nolo wɔ asafo ne anu kɛ bɛyɛ ɛgengalɛ nee ɛhɛlɛlɛ sukulu la, me nye liele kɛ mebaboka nwo. Ɛzukoalɛdeɛ mɔɔ lumua la anu, menwunle me duma kɛlɛ!”
Peru:
Sukoavo ko mɔɔ ɛli ɛvolɛ 55 la hɛlɛle kɛ: “Meanzuzu nwo ɛlɛ kɛ mebazukoa ɛgengalɛ nee ɛhɛlɛlɛ ɔluakɛ me awovolɛ ando me sukulu.”
Mozambique:
Menli mɔɔ bo 19,000 la ɛzukoa ɛgengalɛ wɔ ɛvolɛ 15 mɔɔ ɛze la anu. Sukoavo bie mɔɔ bɛfɛlɛ ye Felizarda la ka kɛ: “Ɛnɛ, ɔyɛ me fɛ kɛ mekola mekenga Baebolo tɛkese mekile awie mɔ la. Mekɛ bie mɔɔ ɛze la, ɛnee ɔyɛ se ɔmaa me.”
Solomon Islands:
Yɛ ɔfese ne hɛlɛle kɛ: “Mekɛ bie mɔɔ ɛze la, menli dɔɔnwo mɔɔ de namule nu la annyia adenle angɔ sukulu. Bieko, mraalɛ ekyi bie ala a hɔle sukulu a. Yemɔti, ɛgengalɛ nee ɛhɛlɛlɛ sukulu ne ɛboa mgbanyima. Mekɛ mɔɔ bɛwiele sukulu ne la, menli dɔɔnwo nyianle anwodozo kpalɛ.”