Dwobu 34:1-37
34 Ɔti Ɛlaehu doale zo buale kɛ:
2 Bɛdie me edwɛkɛ, bɛmɛ mɔɔ bɛze nrɛlɛbɛ;Bɛdie me, bɛmɛ mɔɔ bɛze ninyɛne dɔɔnwo la.
3 Ɔluakɛ ɛnzolɛ sɔ edwɛkɛ neaKɛ mɔɔ ɛtafinlimalɛ* sɔ aleɛ nea la.
4 Bɛmaa yɛzuzu mɔɔ le kpalɛ la anwo;Bɛmaa yɛzi mɔɔ le kpalɛ la anwo kpɔkɛ wɔ yɛ avinli.
5 Ɔluakɛ Dwobu ɛha kɛ, ‘Me edwɛkɛ yɛ fɛ,+Noko Nyamenle ɛmaa pɛlepɛlelilɛ ɛbɔ me.+
6 Asoo mebabɔ adalɛ wɔ me ndɛnebualɛ nu?
Me hanlɛ ne ɛnlɛ ye ayile, noko metɛtonle mɛla biala.’+
7 Nwane a le kɛ Dwobu,Mɔɔ no aholoba kɛ nzule la ɛ?
8 Ɔ nee ɛtanevolɛma tuYɛɛ ɔfa amumuyɛma agɔnwolɛ.+
9 Ɔluakɛ yeha kɛ, ‘Sonla bɔ mɔdenle kɛ ɔsɔ Nyamenle anye a,Ɔnnyia nvasoɛ biala wɔ zo.’+
10 Ɔti bɛmɛ mɔɔ bɛlɛ ndelebɛbo* la, bɛdie me:
Ɔnrɛra ye ɛlɛ kɛ nɔhalɛ Nyamenle ne kɛyɛ amumuyɛ,+Kɛ Tumivolɛ Bedevinli ne kɛyɛ ɛtane!+
11 Ɔluakɛ mɔɔ sonla kɛyɛ la a ɔnea nwo ɔtua ye kakɛ a+Na ɔmaa ɔnwu ye ndenle ne mɔ anwo amaneɛ.
12 Nɔhalɛ nu, Nyamenle ɛnyɛ amumuyɛ;+Tumivolɛ Bedevinli ne ɛngakyi pɛlepɛlelilɛ nye.+
13 Nwane a vale azɛlɛ ne wulale ɔ sa nu a,Na nwane a yele ye kɛ ɔnlea ewiade* amuala azo a?
14 Saa ɔtu ɔ nye* ɔsie bɛ nwo,Saa ɔboɔboa bɛ sunsum nee bɛ ɛnwomenle ne mɔ anloa ɔba ɔ nwo a,+
15 Menli* kɔsɔɔti babɔ nu aminli,Na alesama azia ahɔ ndɛtɛlɛ nu.+
16 Ɔti saa ɛlɛ ndelebɛbo a, yɛ ɛnzolɛ maa ɛhye;Tie mɔɔ meka la kpalɛ.
17 Asoo ɔwɔ kɛ sonla mɔɔ kyi pɛlepɛlelilɛ la di tumi,Anzɛɛ ɛbabua tumivolɛ mɔɔ le tenlenenli la fɔlɛ ɔ?
18 Asoo ɛbaha wɔahile belemgbunli kɛ, ‘Ɛle sonlamgbane,’
Anzɛɛ menli titili kɛ, ‘Bɛle amumuyɛ’?+
19 Awie wɔ ɛkɛ mɔɔ ɔnnea mgbanyima nyunluYɛɛ ɔmbu sukoavolɛma ɔndɛla ehyiavolɛma* a,+Ɔluakɛ bɛ muala bɛle ɔ sa anloa gyima.+
20 Bɛwu arɛlevilɛ nu,+ wɔ nɔɔzo;*+Bɛ nwo woso bɛ ɛsesebɛ na bɛwu;Tumivolɛma bɔbɔ, bɛye bɛ bɛfi ɛkɛ, noko tɛ sonla sa a ye bɛ fi ɛkɛ a.+
21 Ɔluakɛ Nyamenle anye dua sonla ndenle ne mɔ,+Yɛɛ Ɔnwu ɔ gyakɛ ɛdudulɛ muala.
22 Awozinli anzɛɛ awozinli kabii biala ɛnle ɛkɛMɔɔ ɛtanevolɛma kola kɔfea nu a.+
23 Ɔluakɛ Nyamenle ɛtɛkilele sonla biala mekɛKɛ ɔrɛla ɔ nyunlu ɔmaa ɔbua ye ndɛne.
24 Ɔbubu tumivolɛma mɔɔ ɔngyia kɛ ɔyɛ nvedenvedenu,Na ɔfa menli fofolɛ ɔsie bɛ gyakɛ anu.+
25 Ɔluakɛ ɔze mɔɔ bɛlɛyɛ la;+Ɔdi bɛ nwo zo konim nɔɔzo, na ɔsɛkye bɛ.+
26 Ɔbɔ bɛ ɔlua bɛ amumuyɛyɛlɛ ne ati,Wɔ ɛleka mɔɔ awie biala kola nwu bɛ la,+
27 Ɔluakɛ bɛgyakyi ɔ nzi ɛlilɛ+Yɛɛ bɛmbu ye ndenle ne mɔ anu biala;+
28 Bɛmaa ehyiavolɛma su fɛlɛ ye,Amaa yeade mɔɔ ɛnlɛ boavolɛ la ɛzunlɛ.+
29 Saa Nyamenle yɛ koonwu a, nwane a kɛhola kɛbua ye fɔlɛ a?
Saa ɔfa ɔ nye ɔfea a, nwane a kɛhola kɛnwu ye a?
Saa ɔfa ɔfea maanle bie anzɛɛ sonla a, ye ko ne ala ɔ,
30 Amaa amumuyɛnli* anli tumi+Anzɛɛ anzua menli ɛhane.
31 Asoo awie bahola aha ahile Nyamenle kɛ,‘Bɛhwe me nzo, noko metɛyɛle ɛtane biala;+
32 Kilehile me mɔɔ meannwu ye la;Saa meyɛ ɛtane bie a, menrɛyɛ ye bieko’ ɔ?
33 Ɔmaa wɔ ahatualɛ mɔɔ ɛdawɔ ɛkulo la wɔ mekɛ mɔɔ wɔkpo ye ndɛnebualɛ la ɔ?
Ɔwɔ kɛ ɛsi nwolɛ kpɔkɛ, tɛ me ɔ.
Ɔti ka mɔɔ ɛze ye kpalɛ la kile me.
34 Menli mɔɔ lɛ ndelebɛbo* la baha ahile me kɛ—Nrɛlɛbɛvolɛ biala mɔɔ kɛdie me la baha kɛ—
35 ‘Dwobu ɛndendɛ nrɛlɛbɛ nu,+Yɛɛ nwunu ɛnle ye edwɛkɛ nu.
36 Bɛmaa bɛzɔ Dwobu bɛnlea* bɛhɔdwu awieleɛƆluakɛ ye mualɛ le kɛ amumuyɛma ɛdeɛ ne la!
37 Ɔfa atuadelɛ ɔboka ye ɛtane nwo;+Ɔfa agolobɛnwo ɔbɔ ɔ sa nu wɔ yɛ nyunluNa ɔka edwɛkɛ dɔɔnwo ɔtia nɔhalɛ Nyamenle ne!+
Ɔbodwɛkɛ
^ Hibulu aneɛ nu, “talɛ.”
^ Hibulu aneɛ nu, “ahonle.”
^ Anzɛɛ “azɛlɛ mɔɔ menli de zo la.”
^ Hibulu aneɛ nu, “ye ahonle.”
^ Hibulu aneɛ nu, “Nwonane.”
^ Anzɛɛ “menli titili ɔndɛla koahweabanema.”
^ Anzɛɛ “alevinli mu nwiɔ avinli.”
^ Anzɛɛ “kpɔkyevolɛ bie.”
^ Hibulu aneɛ nu, “ahonle.”
^ Anzɛɛ ɔkola ɔkile, “Me papa, maa bɛzɔ Dwobu bɛnlea.”
