ƐZINZALƐ ARANE—DEBIEZUKOALƐ ƐDEƐ July 2013
Magazine ɛhye ka ndelebɛbo fofolɛ mɔɔ yɛnyia ye wɔ mekɛ mɔɔ Gyisɛse ngapezo ne bara nu nee sonvolɛ nɔhavo mɔɔ ze nrɛlɛbɛ la anwo edwɛkɛ dɔɔnwo.
“Ka Kile Yɛ, Mekɛ Boni A Ɛhye Mɔ Bazi A?”
Ndelebɛbo fofolɛ mɔɔ yɛnyia ye wɔ mekɛ mɔɔ Gyisɛse ngapezo ne mɔɔ wɔ Mateyu ati 24 nee 25 bara nu anwo la a le boni?
“Bɛhakye Kɛ Me Nee Bɛ Lua Dahuu”
Gyisɛse ɛrɛlɛ ne mɔɔ fane abɛlɛ ne nee ndile ne anwo la kilehile ma ne ɛlualɛ, ye ɛnyilɛ, nee ɛbuhenle ne anu. Ɛbuhenle ne anwo ndelebɛbo fofolɛ boni a yɛnyia a?
Menli Ekyi Maa Menli Dɔɔnwo Aleɛ
Kɛzi Gyisɛse manle ɛvoya ne mɔɔ lumua la anu asafo ne mɔ sunsum nu aleɛ ɛ? Asoo ɔyɛle ngyehyɛleɛ ɔmanle yɛ ɛnɛ?
“Sonvolɛ Nɔhavo Mɔɔ Ze Nrɛlɛbɛ La A Le Boni?”
Edwɛkɛ ɛhye tenrɛ ndelebɛbo mɔɔ yɛlɛ ye wɔ sonvolɛ nɔhavo ne anwo la. Sukoa kɛzi yɛ sunsum nu boɛlilɛ gyi ngyehyɛleɛ ɛhye azo la.
Awie Fofolɛ Mɔɔ Bɛkpa Ye Bɛboka Gyihova Alasevolɛ Neazo Eku Ne Anwo
Mark Sanderson rabokale Gyihova Alasevolɛ Neazo Eku ne anwo wɔ September 1, 2012.
ƐBƐLABƆLƐ NU EDWƐKƐ
Ɛnee Yɛlɛ Ɛhulolɛ Kɛ Yɛbazonle Gyihova Wɔ Ɛleka Biala
Kenga kɛzi agyalɛma bie mɔɔ bɛvi Netherlands la zukoale kɛ bɛbava bɛ nwo bɛado Gyihova anwo zo ɔnva nwo ngyegyelɛ nee bɛ tɛnlabelɛ mɔɔ hakyile la.
“Nea Nvoninli Ne!”
Nvoninli mɔɔ wɔ yɛ mbuluku ne mɔ anu la maa edwɛkɛ ne ka yɛ ahonle na yɛdwenle nwo kpalɛ. Kɛ ɔkɛyɛ na wɔanyia nvoninli ngɛnlɛma ne mɔ azo nvasoɛ ɛ?
