EDWƐKƐ TITILI | GYIHOVA ALASEVOLƐ A LE NWANE MƆ?
Duzu Ati A Yɛka Edwɛkɛ Ne A?
Bie a debie mɔɔ maa yɛyɛ ngakyile la a le yɛ edwɛkɛhanlɛ gyima ne—azua nu, bagua nu, yɛɛ ɛleka biala mɔɔ yɛkɛnwu menli la. Duzu ati a yɛyɛ ɛhye a?
Gyihova Alasevolɛ ne mɔ dua edwɛkɛhanlɛ ne azo wula Nyamenle anyunlunyia na bɛda ye duma ne ali. (Hibuluma 13:15) Eza yɛkulo kɛ yɛdi Kelaese Gyisɛse edwɛkɛ ne mɔɔ se: “Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma, . . . na bɛhilehile bɛ bɛmaa bɛli debie biala mɔɔ meha mehile bɛ la azo” la azo.—Mateyu 28:19, 20.
Eza yɛkulo yɛ gɔnwo mɔ. (Mateyu 22:39) Nɔhalɛ nu, yɛze kɛ asolo mɔɔ awie biala die di la, yɛɛ tɛ awie biala a anye die yɛ edwɛkɛ ne anwo a. Noko, yɛdie yɛdi kɛ Baebolo ngilehilelɛ ne maa ngoane. Ɛhye ati a yɛkɔ zo ‘yɛkilehile na yɛbɔ Edwɛkpa ne mɔɔ fane Gyisɛse anwo la nolo’ kɛmɔ alimoa Kilisienema yɛle la.—Gyima ne 5:41, 42.
Antonio Cova Maduro mɔɔ sukoa menli ɛbɛlabɔlɛ nee bɛ amaamuo nwo debie la hɛlɛle “mɔdenle nee ngyegyelɛ mɔɔ Gyihova Alasevolɛ ne mɔ kɔ nu, bɔbɔ bɛfa bɛ ngoane bɛto esiane nu . . . , amaa ngɛlɛlera nwuanzanwuanza ne adwu azɛlɛ ye azo ɛleka biala la.”—El Universal adwelie kɛlata, Venezuela
Menli dɔɔnwo mɔɔ kenga yɛ mbuluku ne mɔ la ɛnle Gyihova Alasevolɛ. Eza menli mgbe dɔɔnwo mɔɔ yɛ nee bɛ sukoa Baebolo ne la kɔ asɔne gyɛne. Noko bɛ nye die kɛ Gyihova Alasevolɛ ne mɔ ba bɛ ɛkɛ ne la.
Bie a ɛlɛ kpuya gyɛne mɔɔ fane Gyihova Alasevolɛ ne mɔ anwo a. Yɛlɛto ɛsalɛ yɛavɛlɛ wɔ kɛ, sukoa mualɛ ne mɔ ɔlua
-
Gyihova Dasevolɛ mɔɔ ɛbabiza ye la azo.
-
Yɛ wɛbsaete, www.ps8318.com/nzi mɔɔ ɛbahɔ zo la azo.
-
Yɛ nyianu ne mɔ mɔɔ awie biala kola kɔ bie mɔɔ ɛbahɔ bie la azo.
Bie A Eza Ɛ Nye Balie
KPUYA MƆƆ MENLI TA BIZA
Asoo Gyihova Alasevolɛ Suzu Kɛ Bɛ Ngome A Bɛbanyia Ngoane A?
Baebolo ne maa yɛnwu menli mɔɔ bɛbalie bɛ ngoane la.
KPUYA MƆƆ MENLI TA BIZA
Gyihova Alasevolɛ Lɛ Mraalɛ Mɔɔ Ka Edwɛkpa Ne Ɔ?
Gyihova Alasevolɛ mraalɛ yɛ ewiade amuala edwɛkɛhanlɛ gyima ne bie ɔ?
KPUYA MƆƆ MENLI TA BIZA
Asoo Gyihova Alasevolɛ Bu Ɛzonlenlɛ Gyɛne Nu Amra?
Sukoa kɛzi ɛbulɛ maa bɛnwu nɔhalɛ Keleseɛnema la.
