1. Йеговӕ Хуцау ӕ алли гъуддагӕй

Алкӕмӕн, алкӕддӕр

Ӕвдесуй ӕ уарзт, цӕмӕй мах дӕр алкӕд

Еумӕ фӕрнӕй, уарзгӕй цӕрӕн.

Нивондӕн Хуцау ӕ Фурти ӕрхаста,

Ма адӕнӕн уӕд тӕрегъӕд нимбарзта.

Дун-дуйней нӕййес ӕмбал е ’стур уарзтӕн!

Е ӕй ’цӕг уарзт, Хуцауи ’стур уарзт.

2. Хуцауи фӕнзӕн, кӕрӕдзей ку уарзӕн

Алкӕддӕр, еугурдӕр.

Ӕгас зӕрдӕй мах ӕнхуси къох раттӕн

Не ’мбӕлттӕн дӕр, алкӕмӕндӕр.

Хуцауи ӕма ӕнсувӕрти уарзӕн –

Е ӕй ӕцӕг уарзт, бӕлвурдӕй ӕй зонӕн.

Кӕрӕдземӕй мах зӕрдӕй хатир корӕн –

Е ӕй нӕ уарзт, кӕдзосзӕрдӕ уарзт.

3. Йеговӕн ӕ уарзт бӕттуй кӕрӕдзебӕл –

Мах иссан бийнонтӕ.

Хуцау нин дӕттуй еудзийнадӕ, фарнӕ.

Фарни тӕгтӕ федар ӕнцӕ!

Бӕрӕг дарӕн мах нӕ цийнӕй, нӕ уарзтӕй,

Хуцауи Дзурдӕй зунд агорӕн алкӕд.

Ӕцӕг уарзтӕй мах ӕнсувӕрти уарзӕн

Е ӕй ’цӕг уарзт, Йегови ’стур уарзт.