Йесо Чырысти загъта, зӕгъгӕ, адӕм «кӕрӕдзийӕ се сӕфт уындзысты» ӕмӕ «сӕ фылдӕрӕн сӕ уарзондзинад ӕруазал уыдзӕн» (Матф. 24:10, 12). Ацы ныхӕстӕй бамбарын кодта, н. э. 70 азы Иерусалим пырхгонд куы ’рцӕуа, уый размӕ чи цӕрдзӕн, уыцы адӕм цавӕр уыдзысты, уый. Уыдонӕй уӕлдай Чырыстийы ахуыргӕнинӕгты базонӕн уыд, се ’хсӕн цы уарзондзинад уыд, уымӕй (Иоан. 13:35).  Иерусалимы цӕрӕг дзуттаг чырыстӕттӕ Павелы ныхӕстӕ куы кастысты, уӕд сын уый ныфсы хос куыннӕ уыдаид. Уыцы ныхӕстӕй равдыста, кӕрӕдзи ӕфсымӕртау кӕй уарзтой, уый кӕй уыдта, стӕй ма сӕ афтӕмӕй баразӕнгард кодта, цӕмӕй дарддӕр дӕр ууыл архайдтаиккой.

Тагъд Хӕйрӕджы дуне ӕнӕхъӕнӕй дӕр сӕфт ӕрцӕудзӕн. Фыццаг ӕнусы цӕрӕг ӕфсымӕртау мах дӕр цӕрӕм, ӕхца ӕмӕ ирхӕфсӕнтӕ Хуыцауӕй ӕмӕ адӕмӕй фылдӕр чи уарзы, ахӕм адӕмы ’хсӕн (2 Тим. 3:1–4). Фӕлӕ ӕгас зӕххыл Йегъовӕйы Ӕвдисӕнтӕ та кӕрӕдзи ӕфсымӕртау уарзынц. Цӕй уӕдӕ нӕ кӕрӕдзи дарддӕр ахӕм уарзтӕй уарзӕм ӕмӕ афтӕмӕй Йегъовӕйы, уарзондзинады Хуыцауы, кадджын кӕнӕм!