“Onsabi Komon so Panarian Mo”—Say Dasal na Minilyon a Totoo
Kasin idadasal mo met ya onsabi lay Panarian na Dios? Diad inlabas na nilasus iran taon, bibitlaen na minilyon iray salitan “Onsabi komon so panarian mo” no mandadasal ira. Akin et idadasal da itan? Lapud imbaga nen Jesus ed saray patumbok to ya ipikasi da so isabi na Panarian na Dios.
Diad gapo, ag-atalosan ya tampol na saray patumbok nen Jesus so amin ya detalye nipaakar ed satan ya Panarian. Aminsan et tinepetan day Jesus: “Katawan, ipawil mo ta so panarian na Israel diad sayan panaon?” Nayarin abigla ra lapud agdirektan imbaga nen Jesus no kapigan onsabi so Panarian na Dios. (Gawa 1:6, 7) Labay to kasin ibaga ya agtayo lan balot naamtaan no anto tay Panarian na Dios tan no kapigan itan onsabi? Andi!
Makatulong iyan isyu na Say Panag-bantayan pian naamtaan iray ebat ed sarayan tepet:
Akin et kaukolan tayo so Panarian na Dios?
Siopa so Ari ed Panarian na Dios?
Kapigan uleyan na Panarian na Dios so dalin?
Antoy gawaen na Panarian na Dios?
Akin et importante ya suportaan la natan so Panarian na Dios?
Anto so Panarian na Dios?
Ompan Nagustoan Mo Met
SAY PANAG-BANTAYAN
Akin ya Ipikasi Tayon Onsabi la Komon so Panarian na Dios?
Antoy nagawaan na Panarian na Dios ya agnagawaan na gobierno na too?
ESSENTIAL BIBLE TEACHINGS
Anto so Panarian na Dios?
Legan na ministeryo nen Jesus, say manunan topic ya imbangat to et say Panarian na Dios. Nilasus taon lan ipipikasi na saray papatumbok to ya onsabi la komon itan ya Panarian.
EBAT ED SARAY TEPET ED BIBLIA
No Panon so Manpikasi—Kasin say Pikakasi ya “Ama Mi” so Sankaabigan ya Paraan?
Kasin say pikakasin Ama Mi labat so pikakasin dengelen na Dios?
