Amin ya web page tan feature ya available ed full-size computer screen et available met ed smartphone o tablet. Balet saray inkaayos na saray menu tan screen et duma ed mas melag ya screen na gadyet. Wala ray tips ed sayan artikulo ya makatulong pian naanap mo ray item ya kailangan mo ed jw.org.
Diad full-size screen, saray manunan seksion et aka-display ed tagey na screen tan say second-level menu et aka-display diad kawigi na screen manlapud tagey paleksab.
Balet diad melag ya screen na gadyet, amin ya navigation menu et aka-display manlapud tagey paleksab. Tan saray menu et akaamot no ag-uusaren pian mas baleg so space na screen.
Pindoten so Menu pian iyamot o ipaway iray navigation menu. Pindoten so ngaran na seksion pian makaonlad landing page na satan a seksion.
Pindoten so Expand List button pian nanengneng so second-level menu na sakey ya seksion. Pindoten so ngaran na menu option pian makaonlad landing page na satan ya opsyon.
Pindoten so Collapse List button pian iyamot iray second-level menu option na sakey a seksion.
Pindoten so JW.ORG button pian ompawil ed home page.
Pindoten so Language Picker button pian nanengneng iray available ya lenguahe.
Pindoten so Search button pian mananap na karga ya usaren so feature ya Site Search (agni available ed Pangasinan).
Anapen Iray Artikulo o Kapitulo na Publikasyon
Diad full-size screen, say karga na publikasyon et sankanengneng legan kan manbabasa na artikulo o kapitulo na publikasyon. Balet diad melag ya screen na gadyet, saray karga na publikasyon et akaamot.
Pindoten so Show List button pian nanengneng so karga na publikasyon. Pindoten so title pian nanengneng so karga na satan ya artikulo o kapitulo.
Pindoten so Previous button pian nanengneng so akaunan artikulo o kapitulo.
Pindoten so Next button pian nanengneng so ontumbok ya artikulo o kapitulo.
Pindoten so Hide List button pian iyamot iray karga na publikasyon tan ituloy so pambasa ed artikulo o kapitulo.
Usaren so Biblia Online
Onlad PUBLIKASYON > BIBLIA tan pindoten so Read Online button. Odino pindoten so link ya Manbasa na Biblia Online ed home page.
Diad Bible Navigation Bar, manpili na libro na Biblia tan kapitulo diad drop-down list tan pindoten so Lukasan.
Legan kan mani-scroll ed kapitulo, say Bible Navigation Bar et mansiansian aka-pin ed Menu Bar pian mas mainomay kan makaonla ed arum ya kapitulo.
Pindoten so Unpin button pian naekal so Bible Navigation Bar ed Menu Bar. Diad ontan, mas baleg so screen parad saray teksto ed Biblia. Pian manpili na arum ya kapitulo, kailangan mo ni man-scroll manlapud tagey paleksab na page.
Pindoten so Pin button pian mansiansia so Bible Navigation Bar ed Menu Bar.
Pindoten so Show List button pian nanengneng so karga na Biblia, kaiba la ray introduksion tan apendise.
Pindoten so Previous button pian nanengneng so akaunan kapitulo.
Pindoten so Next button pian nanengneng so ontumbok ya kapitulo.
Pindoten so Hide List button pian iyamot so karga na Biblia.
Ondengel ed Audio Track na Artikulo
No walay audio track na artikulon babasaen mo, nanengneng so Audio Bar.
Pindoten so Play pian patogtogen so audio track.
Pindoten so Pause pian patundaen so audio. Pindoten lamet so Play pian napatogtog lamet itan.
I-drag so audio pointer paabante o paatras pian makaonlad arum ya parte na audio track.
No ontotogtog so audio track tan mani-scroll kad leksab na artikulo, mansiansia so Audio Bar ed Menu Bar pian sarag mon patundaen tan patogtogen lamet so audio tan mansiansia kad kawalaan mo ed artikulo.
