Nos obra mundial ta ser financia principalmente pa medio di donacion boluntario di e testigonan di Jehova mes. a Pa haci donacion, tin caha di contribucion na nos luganan di reunion. Tambe por bay na nos pagina di Donacion. Eynan por haya varios opcion pa haci donacion na nos obra mundial, pa cubri gastonan local of pa tur dos.

 Testigo di Jehova no tin cu paga diesmo ni duna un cantidad specifico di nan entrada. (2 Corintionan 9:7) Na nos reunionnan, nos nunca ta pasa collect ni no ta cobra pa entrada. Tampoco no ta cobra pa niun servicio religioso, manera bautismo, entiero of casamento. Nos no ta organisa evento pa recauda fondo, manera bendemento di cuminda, bazar, bingo, rifa of cosnan por el estilo, ni nos no sa pidi placa. Y informacion di esnan cu ta haci donacion ta keda confidencial. (Mateo 6:2-4) Ademas, ni nos website ni nos publicacionnan no ta contene propaganda comercial.

 Tur luna cada congregacion di testigo di Jehova ta duna un informe financiero na su reunionnan, unda tur hende por asisti. Ta controla e boekhouding di cada congregacion regularmente pa garantisa cu tur placa ta ser uza corectamente.—2 Corintionan 8:20, 21.

•   Caha di contribucion: Por pone placa cash of check den e cahanan di contribucion cu tin poni den Salon di Reino, Salon di Asamblea of na cualkier luga unda nos ta tene nos reunionnan.

•   Donacion online: Na hopi pais, por uza e pagina “Donate to Jehovah’s Witnesses” pa haci donacion cu credit card, debit card, transferencia di banco of cualkier otro metodo electronico. b Algun testigo di Jehova a dicidi pa “pone algo un banda” door di haci areglo pa tur luna un suma wordo manda como donacion electronicamente.—1 Corintionan 16:2.

•   Donacion planifica: Pa cierto forma di donacion mester haci planificacion y/of haya conseho legal. Esaki por yuda bo probecha di beneficionan fiscal den bo pais. Hopi hende a beneficia di haya bon informacion tocante e maneranan pa haci donacion durante cu nan ta na bida of cu ta bira valido despues di morto. Pa mas detaye, por tuma contacto cu e sucursal di testigo di Jehova cu ta mas cerca di bo si bo ta desea di haci un donacion cu ta encera:

  •   cuenta di banco

  •   polisa di seguro of pensioen

  •   real estate

  •   accion y bono

  •   testament

 Pa mas informacion tocante e maneranan disponibel pa haci donacion den bo area, bay na e pagina “Donate to Jehovah’s Witnesses.”