LÈS 3
Uso di Pregunta
Mateo 16:13-16
RESÚMEN: Ku takto, hasi pregunta pa lanta—i mantené—interes di bo oyentenan, pa rasoná ku nan i pa enfatisá e puntonan importante.
KON PA LOGR’É:
-
Lanta—i mantené—interes. Hasi pregunta ku ta duna bo oyentenan kos pa pensa riba dje òf ku ta hasi nan kurioso pa haña sa e kontesta.
-
Rasoná riba un tópiko. Yuda bo oyentenan komprondé e lógika di un argumento mediante un seri di pregunta ku ta yuda nan yega na un konklushon rasonabel.
-
Enfatisá e puntonan importante. Usa un pregunta interesante pa introdusí un idea klave. Despues di a trata un punto importante òf na final di bo presentashon, hasi pregunta di repaso.