Kiko Beibel Ta Bisa?
Dios ta kontestá tur orashon?
LO BO BISA KU DIOS TA KONTESTÁ ORASHON DI . . .
Tur hende
Algun hende
Niun hende
LOKE BEIBEL TA BISA
“SEÑOR ta serka di tur . . . esnan ku ta sklama na dje den bèrdat.”—Salmo 145:18.
KIKO MAS NOS POR SIÑA FOR DI BEIBEL?
Dios no ta skucha orashon di hende ku ta rebeldiá kontra dje. (Isaías 1:15) Pero, nan por drecha nan relashon ku Dios ora nan kambia nan kondukta.—Isaías 1:18.
Pa Dios por skucha un orashon, e mester ta di akuerdo ku su rekisitonan ku tin den Beibel.—1 Huan 5:14.
Nos mester ta den un posishon spesial pa hasi orashon?
ALGUN HENDE TA KERE ku semper nan tin ku hinka rudia, sak kabes òf pone man huntu ora di hasi orashon. Kiko abo ta pensa?
LOKE BEIBEL TA BISA
Beibel ta bisa ku Dios a skucha orashon di hende ku a “sinta” òf ‘lanta para’ pa hasi orashon i tambe di hende ku a ‘tira kurpa abou’ òf “hinka rudia.” (1 Krónikanan 17:16; 2 Krónikanan 30:27; Èsdras 10:1; Echonan 9:40) Pues Dios no ta eksigí pa nos ta den un posishon spesífiko pa hasi orashon.
KIKO MAS NOS POR SIÑA FOR DI BEIBEL?
Dios ta skucha hende humilde.—Salmo 138:6.
Bo por hasi orashon den kualke idioma òf asta den bo mes.—2 Krónikanan 6:32, 33; Nehemías 2:1-6.
Otro Artíkulo Interesante
PREGUNTA KU BEIBEL TA KONTESTÁ
Dios Lo Yuda Mi si Mi Resa na Dje?
Di bèrdat Dios ta interesá den nos problemanan?
PREGUNTA KU BEIBEL TA KONTESTÁ
Tin Orashon Ku Dios No Ta Skucha?
Haña sa dikon Dios no ta kontestá sierto orashon i ki tipo di hende e no ta skucha.
