Nos ta kompilá, warda i usa bo datonan personal solamente pa e meta ku bo a manda nan, i nos lo warda nan solamente durante e tempu nesesario pa kumpli ku e metanan ei òf otro meta legítimo ku por tin. Si den un kaso asina bo disidí di no manda sierto dato ku nos a pidi, kisas lo bo no por haña akseso na sierto parti di e website, na programa di kòmpiuter ku Watchtower Bible and Tract Society ta ofresé òf nos lo no por atendé bo petishon.

E datonan ku bo manda huntu ku bo petishon òf solisitut ta aksesibel pa esnan ku ta prosesá dato, pa kumpli ku e meta ku ta prosesá e datonan, i/òf pa personal di asistensia tékniko ku tin tarea relashoná ku operashon i mantenshon di e sistema tékniko. Nos no ta duna niun otro persona bo datonan personal a ménos ku (1) esei ta nesesario pa nos por brinda e servisio ku bo a pidi, i nos a informá bo kompletamente ku nos ta bai pasa bo datonan pa un otro persona; (2) di buena fe nos ta konvensí ku, pa kumpli ku un òf mas lei òf regla di gobièrnu, ta rasonablemente nesesario pa nos kompartí e informashon ku otro persona òf entidat; (3) nos tin ku hasi esei pa kumpli ku un petishon di outoridatnan di kadena hudisial; òf (4) esei ta nesesario pa konstatá i prevení froude, en konekshon ku asuntu tékniko òf di siguridat. E echo ku bo ta usa e website akí ta nifiká ku bo ta bai di akuerdo pa nos kompartí bo datonan personal ku tersera persona, pero solamente pa e motibunan menshoná aki riba. Bou di ningun sirkunstansia nos lo no bende, troka ni hür ningun dato personal ku bo manda.

Mayoria di e kontenido di e website akí ta aksesibel sin ku e usuario tin ku registrá i sin ku e tin ku manda ningun informashon pa nos. Sinembargo, tin algun opshon ku ta disponibel solamente pa usuario registrá, usuario ku entregá sierto petishon òf solisitut, òf usuario ku un kongregashon di Testigunan di Yehova a manda nan datonan via jw.org. Ta a base di bo permiso nos ta prosesá bo datonan personal. Den sierto kaso, lei por duna nos base legítimo pa sigui prosesá bo datonan asta si bo hala atras bo permiso, basta nos hasi esei konforme loke lei ta rekerí al respekto.

Ora bo manda dato personal pa nos riba e website, nos ta usa e datonan ei solamente pa kumpli ku e meta ku nos a indiká na bo na momento ku bo a entregá nan. E metanan ei por ta entre otro:

Kuenta. Nos por usa e e-mail ku bo duna ora bo habri un kuenta riba e website akí pa tuma kontakto ku bo pa un ke otro asuntu relashoná ku bo kuenta. Por ehèmpel, si bo lubidá bo nòmber di usuario òf password i bo pidi asistensia pa por log in, lo bo risibí asistensia via un mensahe mandá na e e-mail ku tin den bo perfil di usuario.

Sekshon Mi Perfil. Despues ku bo a habri un kuenta riba e website, e sekretario di bo kongregashon por duna bo akseso na sekshon Mi perfil. Si bo disidí di agregá mas dato personal na bo perfil riba hub.ps8318.com, e website lo puntra bo si bo ta bai di akuerdo pa e datonan ei ser usá pa wak si por usa bo pa sierto privilegio i pa tuma kontakto ku bo. Si bo yuda kaba ku un proyekto i bo ta agregá mas kos ku bo ta kapasitá pa hasi na bo perfil, un persona lo evaluá e kapasidatnan ei pa wak kon bo por ser usá den e proyekto. Pa prosesá bo datonan, tin biaha ta nesesario pa kompartí bo datonan ku otro sukursal di Testigunan di Yehova, ku sede mundial di Testigunan di Yehova òf ku otro organisashon afiliá ku Testigunan di Yehova na vários pais.

Solisitut. Si bo kumpli ku e rekisitonan konforme e kreensianan i maneho di Testigunan di Yehova, bo por habri un kuenta riba e website akí i entregá un aplikashon online òf bo kongregashon por entregá un solisitut pa bo online via e website akí. Kada solisitut ta menshoná e propósito pa kua e lo ser usá, por ehèmpel, bo por yena un solisitut si bo ta deseá di partisipá den otro faseta di sirbishi religioso, òf si bo ta pidi òf ofresé alohamentu relashoná ku kongreso, asamblea òf otro evento. Bo datonan personal ku ta nesesario pa entregá e solisitut por inkluí dato personal ku sea bo mes, ansiano di kongregashon òf superintendente di sirkuito a manda. Lo usa e datonan ei solamente pa prosesá i trata e solisitut i pa otro meta atministrativo ku ta relashoná ku esei. Esei ta inkluí usa e datonan pa traha un perfil di usuario. Lo kompartí bo datonan ku otro sukursal, sede mundial di Testigunan di Yehova òf otro organisashon afiliá ku Testigunan di Yehova ta usa na otro pais si esei ta nesesario pa prosesá bo solisitut. Den tur kaso, lo evaluá kada solisitut individualmente i no ta usa un sistema outomatisá pa tuma desishon.

Kongreso Spesial i Kongreso Internashonal. Si bo ta kualifiká pa apliká pa bai un Kongreso Spesial òf Internashonal (Kongreso), bo por yena un solisitut usando e website akí. Por fabor tira un bista riba e informashon adishonal ku ta konta pa tur solisitut. Bo por haña e informashon akí mas ariba bou di e suptema “Solisitut.”

Delegado. E datonan personal ku lo usa pa Kongreso ta entre otro: informashon di kontakto, fecha di nasementu, informashon di e grupo, informashon ku tin di haber ku akomodashon, informashon tokante yegada i baimentu di vuelo i kualke informashon otro ku bo manda ku ta nesesario pa e Kongreso. Si bo ser selektá komo delegado pa un Kongreso, lo kompartí bo informashon personal ku e sukursal ku ta organisá e kongreso ku lo usa bo informashon. Fuera di esei, lo kompartí bo informashon ku e personanan ku ta yuda ku organisashon di e kongreso, por ehèmpel ku e personanan ku ta yuda òf ta den e komité di kongreso i ku ta yuda òf ta den e komité di hospitalidat. Nan lo usa bo datonan personal en konekshon ku planiamentu di e kongreso, pa yuda bo ku tur kos relashoná ku bo biahe i pa organisá evento i aktividat relashoná ku e kongreso. Lo kompartí bo datonan personal tambe ku e hotèl ku bo skohe pa bai, e entidatnan ku ta traha ku e hotèl i otro proveedor. Nan lo tin mester di bo datonan pa prosesá bo reservashon na hotèl i pa otro propósito relashoná ku bo estadia na e hotèl. Lo kompartí bo informashon ku otro proveedor tambe ku lo pèrkurá sierto servisio relashoná ku e aktividatnan ku bo skohe. Si bo no ta deseá di duna bo datonan personal òf si bo ta deseá pa nan delete tur bo datonan personal, lo bo no kualifiká mas komo delegado pa e Kongreso. Nos lo delete tur bo datonan personal manera na momento ku nos no tin mester di nan mas.

Kampaña Spesial di Predikashon. Si bo ta kualifiká pa yena un solisitut pa partisipá den un Kampaña Spesial di Predikashon (Kampaña), bo por usa e website akí pa manda un solisitut. Por fabor tira un bista riba e informashon adishonal ku ta konta pa tur solisitut. Bo por haña e informashon akí mas ariba bou di e suptema “Solisitut.” Si bo ser selektá pa partisipá den e Kampaña, lo kompartí bo informashon personal ku e sukursal di Testigunan di Yehova ku ta organisá e Kampaña pa nan por usa bo informashon. Bo datonan personal ku lo tin mester en konekshon ku e Kampaña ta entre otro, bo informashon di kontakto, informashon di bo grupo, informashon ku tin di haber ku akomodashon, informashon tokante yegada i baimentu di vuelo, bo konosementu di e idioma i kualke informashon otro ku bo manda ku ta nesesario pa e Kampaña. E Komité pa e Kampaña Spesial di Predikashon na e Sukursal ku ta organisá e kampaña lo usa bo datonan personal pa organisá e Kampaña, pa asigná bo na un region i pa regla un kaminda pa bo keda. E persona di kontakto pa e region i e ansianonan di e kongregashon kaminda bo a ser asigná lo usa bo datonan personal pa organisá e Kampaña den e region. Si bo no ta deseá di duna bo datonan personal òf si bo ta deseá pa nan delete tur bo datonan personal, lo bo no kualifiká mas pa partisipá den e Kampaña.

Kurso di Entrenamentu. Si bo ta kualifiká pa yuda ku proyekto, inkluso proyekto di konstrukshon, un persona ku ta organisá kurso di entrenamentu lo por invitá bo pa asistí na un kurso. Bo por aseptá òf keda sin aseptá un invitashon òf kanselá bo partisipashon promé ku e kurso di entrenamentu kuminsá. Si bo aseptá un invitashon, e entrenadónan lo tene registro di bo asistensia, determiná kiko bo a logra despues di asistí na e kurso, i nan por duna algun komentario mas. E organisadónan i e entrenadónan di e kurso lo por repasá i analisá algun kos ku bo ta kapasitá pa hasi na bo perfil riba hub.ps8318.com. Pa por prosesá bo informashon, lo mester kompartí bo informashon tambe ku otro sukursal di Testigunan di Yehova, e sede mundial di Testigunan di Yehova òf otro organisashon afiliá ku Testigunan di Yehova na vários pais.

Donashon. Si bo hasi un donashon di sèn online, nos ta tuma bo nòmber i informashon di kontakto. Pa risibí donashon via karchi di krédito, nos ta traha ku algun kompania akreditá ku ta ofresé servisio di prosesamentu di pago online ku ta traha a base di maneho mundial riba tereno di siguridat i privasidat di dato. Posiblemente, nos por risibí informashon finansiero, manera bo number di karchi di krédito òf number di kuenta di banko, ku ta nesesario pa prosesá bo donashon, i nos por manda e informashon nesesario pa e kompanianan ku ta ofresé e servisio di prosesamentu ei. E manera ku nos ta protehá bo datonan ora di prosesá bo donashon ta kumpli ku e normanan internashonal di siguridat ku industria di karchi di pago ta apliká (Payment Card Industry Data Security Standard òf “PCI DSS”). E entidat ku risibí e donashon ta warda un registro di e transakshonnan finansiero pa mínimo dies aña. Den e transakshonnan ei tin entre otro e fecha, e suma i e método ku bo a usa pa hasi e donashon. Nos ta warda e datonan akí pa nos por kumpli ku norma di kontabilidat i kontestá kualke pregunta ku lo bo por hasi nos durante e periodo menshoná. Nos lo no tuma kontakto ku bo pa pidi mas donashon.

Pidi un Bishita. Ademas, si bo ke sa mas tokante Beibel òf tokante Testigunan di Yehova, via nos website, bo por pidi pa un Testigu di Yehova bishitá bo. Nos lo usa e datonan personal ku bo manda ku bo petishon solamente pa kumpli ku e petishon spesífiko ei. Nos por kompartí bo datonan ku otro sukursal òf organisashon afiliá di Testigunan di Yehova si esei ta nesesario pa kumpli ku bo petishon.

Otro motibu. Bo por manda dato personal (manera bo nòmber, adrès i number di telefòn) pa otro motibu tambe ku no ta pa habri kuenta, manda solisitut i hasi donashon. Den kada kaso, nos lo splika bo ta pakiko nos ta invitá bo pa duna nos informashon. Nos lo no usa bo informashon pa niun motibu ku nos no a splika ora bo a duna nos bo datonan.

E manera ku bo datonan personal ta ser usá den JW Library ta ser deskribí riba e página Kon JW Library Ta Usa Bo Datonan.

E página ei ta splika ku JW Library ta download data for di jw.org. Ora esei tuma lugá, jw.org tin akseso na bo IP address. Jw.org ta kolektá dato pa proveé e servisionan ku JW Library ta ofresé, pa mehorá e servisionan i pa siguridat. Lo usa e datonan pa e siguiente motibunan: permití bo haña akseso na JW Library i us’é; manehá e manera ku e programa ta funshoná i sigui mehor’é; prevení òf detektá kualke froude òf programa malisioso i manehá i trata ku kualke insidente di siguridat.

E organisashon religioso ta funshoná mediante diferente entidat lokal ku tin rònt mundu. Algun di e servernan ku e website akí ta riba dje ta situá na Merka. Nos por transferí bo datonan pafó di e pais kaminda bo ta biba, inkluso kisas pa un pais kaminda e leinan ta ofresé un otro nivel di protekshon di dato, i no ta den tur kaso e nivel di protekshon di dato ei lo ta ekivalente na esun di e pais kaminda bo ta biba aktualmente. Ora nos ta traha ku bo datonan personal i transferí nan, nos ta tuma medida formulá spesífikamente pa protehá bo datonan. Pa loke ta tur organisashon afiliá di Testigunan di Yehova òf ku ta apoyá nan trabou, nos ta ferwagt di nan ku nan ta kumpli ku nos maneho pa protekshon di dato i ku e lei- i reglanan di gobièrnu vigente riba tereno di dato personal.

Na momento ku bo bishitá e website akí i komuniká ku nos elektrónikamente, esei ta enserá ku bo ta bai di akuerdo pa nos transferí bo datonan pa otro teritorio na e manera deskribí aki riba.

Ki ora ku nos prosesá dato personal, nos ta tuma medida rasonabel pa hasi sigur ku bo datonan personal ta kuadra i keda aktualisá, pa e meta ku a kompilá nan. Dependiendo di e pais den kua bo ta biba i e leinan pa protekshon di dato ku ta na vigor ei, bo por tin e siguiente derechonan relashoná ku e datonan personal ku bo a manda pa nos:

• Bo por pidi informashon tokante kon ta kompilá i usa bo informashon personal, konforme e leinan ku ta na vigor lokalmente;

• Bo por pidi pa haña akseso, korigí, kita òf blòkia un informashon personal di bo si e ta inkompleto òf si e no ta korekto;

• Si bo tin base legítimo pa esei, bo por entregá un opheshon tokante prosesamentu di bo informashon personal i pidi nos pa no sigui prosesá bo datonan mas.

Si e pais kaminda bo ta biba tin lei pa protekshon di dato ku ta aplikabel i bo ta deseá di korigí, kita òf haña akseso na bo datonan personal, bo por haña e informashon di kontakto riba e página di Data Protection Contacts.

Ora e data controller konserní risibí bo petishon por eskrito, i despues ku bo presentá sufisiente prueba di bo identidat i sufisiente informashon pa nos por identifiká kua ta bo datonan personal, e data controller lo pone den balansa tantu e interes ku e individuo tin di haña akseso na, korigí òf kita e dato komo e interesnan legítimo di e organisashon, konsiderando entre otro si e organisashon su derecho di libertat religioso i di praktiká religion por bin na peliger si kumpli ku e petishon, i asina evaluá e petishon na un manera hustu. Si tin ku hasi kualke kambio, nos lo notifiká tur tersera persona tambe ku a risibí e datonan.

Tene kuenta ku si lei ta eksigí pa prosesá bo datonan òf si tin otro base legal pa keda sin kita nan, kisas lo no kita bo datonan. Por ehèmpel, mantené dato riba base kontinuo tokante un individuo su státus komo Testigu di Yehova ta di interes pa e organisashon religioso. Si deshasí di e informashon ei, esei lo stroba e organisashon indebidamente di ehersé su derecho di kreensia i práktika religioso. Ora di disidí si nos por kumpli ku un petishon pa kita dato personal, nos ta mará na loke e leinan aplikabel ta eksigí di nos relashoná ku dunamentu di informashon òf wardamentu di dokumento. Serka bo instansia lokal ku ta supervisá protekshon di dato personal tambe bo por entregá keho tokante e manera ku a prosesá e datonan ku bo a duna via e website akí.