ALTA e kede omes er a kekerei el redil el Diana * el kmal dmeu a rengul e meduch el teloi er a rechad, engdi a mera er ngii ngdi blechoel el meringel a uldesuel er a bek el taem. Ngdmu el kmo: “Ngbek el sils el di kuureng el mad. A kuumerang el kmo, a lsekum ak mad me ngdiak a metemall.”

Ngdmu el kmo ngkmal diak el sebechel el di ngii el omekoad er ngii. Engdi a lebebil er a taem e ngomdasu el kmo ngdiak a ultutelel el lolemolem el chad. Ngmelekoi el kmo: “Ak kuureng me ulekum ngmo er ngii a accident me ak mad. Me ak mla mo omes er a kodall el ua sechelik el diak el cherrouek.”

Te betok el chad a medengelii a tekoi el losaod er ngii a Diana, me a rebebil er tir a mla ta el lolatk me a lechub e te mla melasem el di tir el omekoad er tir. A remesuub a tekoi a mla metik el kmo, a ruumesingd el chad el melasem el omekoad er tir a diak el mera el sorir el mad, e te bai sorir el mo diak lecharm a mondai er tir. Me a beot el omesodel a kmo, te oumerang el kmo ngar er ngii a ungil el uchul e te mad, me te kmal ousbech er a ungil el uchul me ngkirir el melemolem el chad.

Me ngera ultutelel me ke chad? Ka molatk a edei el uchul me ngkirel el melemolem a klengar er kau.