SONG 45
Di Gedanka in Mei Hatz
-
1. Di gedanka deef in mei hatz,
Vass ich drivvah denk deich da dawk,
Ich hoff ’sis pleesing zu dich, Gott,
Un hald mich immah uf dei pawt.
Vann ich wohris habb uf mei meind
Un’s hald mei shlohf veit vekk funn mich,
No vill ich meinda vass recht is
Un helf mich aw denka veyyich dich.
-
2. Vass evvah sach es sauvah is,
Di voahret un aw alles goot,
Un aw vass hohch ohksenna is,
Dess bringd mich peace un gebt mich moot.
Precious sinn dei gedanka, Gott!
Feel haychah es vass meini sinn.
So helf mich sucha in dei Vatt,
Un helf mich meinda vass ich finn.
(Gukket aw Psalm 49:3; 63:6; 139:17, 23; Philipper 4:7, 8; 1 Timotheus 4:15.)
