Sie soo aus een Kjint
Raufloden:
1. Jesus siene Jinja
sell’n krakjt soo senn’ aus Kjinja.
De Welt rom ons es huachnäsich un stolt.
Woo aundasch es doa Gott sien Volkj!
Wie achten aundre un sent respakjtvoll, wie seen’ dee soo aus Gott.
(KUA)
Soo aus een Kjint bewies wie Leew fa eenaunda,
wie sent Frind un seen’ bloos daut goode en aundre.
Soo aus een Kjint sent wie bedocht un behelplich.
Wie sent blint fa daut, waut ons kunn uteneenbrinj’.
2. Wie waussen en ’ne Welt opp,
wua een kolda Jeist ee’m enrolt.
Woo leicht denkjt eena schlajchte Dinj von wäm,
von waut dee deed un waut dee säd.
Schia kjeena acht noch sien’ Näakjsten hecha un sitt no waut dän fält.
(KUA)
Soo aus een Kjint bewies wie Leew fa eenaunda,
wie sent Frind un seen’ bloos daut goode en aundre.
Soo aus een Kjint sent wie bedocht un behelplich.
Wie sent blint fa daut, waut ons kunn uteneenbrinj’.
Sie soo aus een Kjint.
(BRIGJ)
Wie well’n noch waussen
un nich vejäten
doaraun to schaufen,
ons nich to mäten,
un doano sträwen,
daut wie en dise Welt
soo aus een Kjint daut doon’, waut Gott jefelt.
(KUA)
Soo aus een Kjint bewies wie Leew fa eenaunda,
wie sent Frind un seen’ bloos daut goode en aundre.
Soo aus een Kjint sent wie bedocht un behelplich.
Wie sent blint fa daut, waut ons kunn uteneenbrinj’.
Sie soo aus een Kjint.
