Oppe gaunze Welt brinjt de Politikj de Menschen uteneen. Aune 2022 deed de Pew Research Center Menschen befroagen, un dit kjeem doabie rut: “65 % von de groote Menschen en 19 Lenda sajen, daut de Menschen von veschiedne polietische Parteien sikj nich eenjen kjennen ooda sikj soogoa sea oneenich sent.”

 Es daut en diene Omjäajent uk soo, daut de Menschen sikj wäajen de Politikj uk emma dolla oneenich sent? Waut es de Uasoak? Jeft daut eene Leesunk? Du woascht äwarauscht sennen, waut de Schreft doatoo sajcht.

 De Schreft sajcht, daut wie nu en “de latste Doag” läwen. Un krakjt fa dise Tiet säd dee verut, daut väl Menschen wudden soone Enstalunk haben, daut Eenichkjeit wudd nich mäajlich sennen.

•   “Denkj doaraun, daut en de latste Doag jreslich schwoare Tieden sennen woaren. Menschen woaren väl von sikj selfst hoolen, . . . un [sikj] nich veseenen loten [ooda “nich reed sennen, sikj to eenjen”]” (2. Timotäus 3:1-3, PB).

 Wan väle sikj uk sea aunstrenjen, de Rejierungen to vebätren, endat sikj doawäajen oba nuscht. Wäajen väle soo gaunz veschieden jesonnen sent, es dee daut schwoa, mau rajcht ommäajlich, tooptoschaufen toom groote Trubbels leesen. Daut haft sikj kloa utjewäsen, waut de Schreft aul lang trigj verutsäd.

•   “Dit hab ekj aules nojeseenen . . . wan eena äwa dän aundren rejieet, un doaderch Schoden litt” (Liera 8:9, PB).

 Daut goode es, daut de Schreft von eene Rejierunk met eenen Kjennich ooda Leida rät, waut woat aul de Trubbels äwatsied schaufen, wua de Menschen vondoag dän Dach unja lieden motten.

 De Schreft rät von eenen Leida, waut besondre Fäichkjeiten haft toom de groote Trubbels enne Welt leesen: Daut es Jesus Christus. Jesus es von Gott aunjestalt un haft de Macht un dän Wunsch, doafäa to sorjen, daut aule Menschen woaren Fräd un Eenichkjeit unjarenaunda haben.

•   “En siene Tiet woat de Jerajchtichkjeit blieejen, un aules woat frädlich sennen” (Psalm 72:7, PB).

•   “Aule Velkja woaren am deenen” (Psalm 72:11, PB).

 Jesus es de basta Leida, wiels hee om aundre bekjemmat es un dee halpen well, besonda dee, waut ojjerajcht behaundelt woat.

•   “Hee woat de oame raden wan dee schrieen, uk de unjadrekjte, dee kjeenen Helpa haben. Hee woat äwa de schwake un oame Metleet haben, un de oame woat hee vom Doot raden. Hee woat an von dee raden, dee an unjadrekjen” (Psalm 72:12-14, PB).

 Lia mea äwa Gott sien Kjennichrikj, de himlische Rejierunk met Jesus aus Leida. Woo woat die daut togood komen, wan du dise Rejierunk unjastetten deist?

•   Kjikj daut Video Waut es Gott sien Kjennichrikj?

•   Läs dän Artikjel “Das Reich Gottes: Einfach unbestechlich!”