نکتہ نمبر 8
سادہ تے اثردار مثالاں استمال کرو
متی 13:34، 35
خلاصہ: تلیم دین چ ماہر بنن لئی سادہ مثالاں استمال کرو جیہڑیاں سنن والیاں دے دل تے اثر کرن تے اوہناں نُوں اوہ گلاں سکھاؤن جنہاں تے اوہناں نُوں عمل کرنا چاہی دا اے۔
تُسی کیہہ کر سکدے او؟
-
سادہ مثالاں چنو۔ یسوع مسیح وانگوں عام جہیاں مثالاں دے کے خاص گلاں تے سوکھیاں مثالاں دے کے اوکھیاں گلاں سمجھاؤ۔ مثال چ بوہت ساریاں گلاں نہ دَسو جدی وجہ توں ایہنوں سمجھنا مشکل ہو جائے۔ دھیان رکھو کہ تُسی مثال چ جو کجھ دَسدے او، اوہ اوس نکتے نال میل کھائے جیہڑا تُسی سکھاؤنا چاہندے او۔ اِنج سنن والیاں دا دھیان تواڈی گل توں نئیں ہٹے گا۔
-
اپنے سنن والیاں نُوں ذہن چ رکھو۔ ایہو جہے کماں تے چیزاں دِیاں مثالاں دَوو جنہاں نُوں لوک چنگی طرحاں جان دے نیں۔ اوہ مثالاں نہ دَوو جیہڑیاں لوکاں نُوں بُریاں لگ سکدیاں نیں۔
-
خاص نکتے تے دھیان دَواؤ۔ مثالاں چھوٹے چھوٹے نکتیاں نُوں نئیں سگوں خاص نکتیاں نُوں سمجھاؤن لئی دَوو۔ خیال رکھو کہ سنن والے صرف تواڈی مثال نُوں ای نئیں سگوں اوس سبق نُوں وی یاد رکھن گے جیہڑا تُسی اوس مثال دے ذریعے سکھاؤنا چاہندے او۔