یسوع مسیح اوہناں مشہور ہستیاں وچوں اِک اے جیہڑیاں اَج تک دُنیا چ آئیاں نیں۔ پر فیر وی بوہت سارے لوک اوہدے ناں دے علاوہ اوہدے بارے ہور کجھ نئیں جان دے۔ تے کئی لوک اوہدے بارے فرق فرق رائے رکھدے نیں۔ پر بائبل یسوع مسیح بارے کیہہ دَسدی اے؟‏

1.‏ یسوع مسیح کون اے؟‏

یسوع مسیح اِک طاقت‌ور ہستی اے تے اوہ اسمان تے رہندا اے۔ یہوواہ خدا نے ساریاں چیزاں توں پہلے یسوع نُوں بنایا سی۔ ایسے لئی بائبل چ دَسیا گیا اے کہ اوہ ساری مخلوق وچوں پہلوٹھا اے۔‏ (‏کلسیوں 1:‏15‏)‏ بائبل چ یسوع نُوں خدا دا اکلوتا پُتر وی کہیا گیا اے کیونکہ صرف یسوع ای اوہ ہستی اے جنہوں خدا نے آپ بنایا سی۔ (‏یوحنا 3:‏16‏)‏ پر جدوں یہوواہ خدا نے باقی ساریاں شیواں بنائیاں تے یسوع نے اوہدے نال مِل کے کم کیتا۔ (‏امثال 8:‏30 نُوں پڑھو۔)‏ یسوع دا اَج وی اپنے باپ نال بوہت گُوڑھا پیار اے۔ یسوع نُوں ”‏کلام“‏وی آکھیا گیا اے۔ ایہدا مطلب اے کہ اوہ خدا دا نمائندہ اے جیہڑا اِک لمے عرصے توں اوہدے پیغام تے ہدیتاں فرشتیاں تے انساناں تک پونچاندا آیا اے۔—‏یوحنا 1:‏14‏۔‏

2.‏ یسوع زمین تے کیوں آیا؟‏

اَج توں کوئی 2000 سال پہلاں یہوواہ خدا نے اپنی پاک روح دے ذریعے اِک معجزہ کیتا۔ اوہنے اسمان توں یسوع دی زندگی نُوں زمین تے اِک کنواری عورت دے پیٹ چ پا دِتا جدا ناں مریم سی۔ اِنج یسوع اِک انسان دے طور تے پیدا ہویا۔ (‏لُوقا 1:‏34، 35 نُوں پڑھو۔)‏ یہوواہ نے وعدہ کیتا سی کہ اِک مسیح آئے گا جیہڑا انساناں نُوں نجات دَوائے گا۔‏ a اپنے ایسے وعدے نُوں پورا کرن لئی یہوواہ نے یسوع نُوں مسیح دے طور تے گھلیا۔ خدا دے کلام چ مسیح بارے جنیاں وی پیشین‌گوئیاں کیتیاں گئیاں سن اوہ ساریاں یسوع تے پوریاں ہوئیاں۔ اِنج لوکاں نے پچھان لیا کہ یسوع ای مسیح یعنی زندہ خدا دا پُتر اے۔‏‏—‏متی 16:‏16‏۔‏

3.‏ یسوع ہُن کتھے وے؟‏

جدوں یسوع زمین تے اِک انسان دے طور تے مر گیا تے یہوواہ خدا نے اوہنوں اِک روح دے طور تے زندہ کر دِتا تے فیر اوہ اسمان تے واپس چلا گیا۔ اوتھے خدا نے اوہنوں پہلاں توں بوہتا اُچا رُتبہ دِتا‏۔ (‏فِلپّیوں 2:‏9‏)‏ ہُن پوری کائنات چ یہوواہ خدا دے بعد یسوع سب توں وڈی ہستی اے تے اوہدے کول بوہت زیادہ طاقت تے اِختیار اے۔‏

 5.‏ یسوع اوہی مسیح ثابت ہویا جدے آن دا وعدہ کیتا گیا سی

 خلاصہ

یسوع اسمان تے اِک طاقت‌ور ہستی اے۔ اوہ خدا دا پُتر تے مسیح اے۔‏

دہرائی

• یسوع نُوں ساری مخلوق وچوں پہلوٹھا کیوں کہیا گیا اے؟‏

• زمین تے آن توں پہلاں یسوع کیہہ کردا سی؟‏

• سانوں کیویں پتہ اے کہ یسوع ای مسیح اے؟‏