¿Jas katutoʼ rech kachʼobʼ ri kubʼij ri e kʼutunem?
Chasikʼij ri kʼo waral rech kawetaʼmaj jas kbʼan che ukojik wajun wuj riʼ, y chawilaʼ ri VIDEO.
NABʼE
Chasikʼij ronojel ri nabʼe taq párrafos re ri kʼutunem. Ri preguntas che kʼo números chunaqaj (A) y ri textos che más e qʼeq (B) kukʼut ri chomanik che más nim ubʼanik che kʼo pa ri kʼutunem. Are chiʼ kariq ri tzij «Chasikʼij» kraj kubʼij che rajawaxik katzukuj ri textos pa ri Biblia.
UKABʼ
Ri párrafo re ri «Chanimarisaj ri awetaʼmanik» kuya ubʼixik ri kil na (C). Ri subtítulos che kʼo número chunaqaj kuya ubʼixik ri chomanik che más nim ubʼanik (D).
VIDEOS. Wajun recuadro riʼ katukʼam bʼi pa ri video rech kachʼobʼ ri kyaʼ ubʼixik pa ri wuj. Jujun taq videos kchʼaw chrij ri kikʼaslemal jujun taq winaq. Y kʼo chi nikʼaj che xa bʼanom dramatizar are kʼu kchʼaw chrij ri qas kkʼulmataj pa ri kʼaslemal.
Chasikʼij ri textos re ri Biblia, chayaʼ ri kirespuestas ri preguntas y junam cheʼiwilaʼ ri videos. Cheʼawilaʼ ri wachbʼal xuqujeʼ ri kubʼij (E), y chachomaj ri kabʼij che ri winaq pa ri parte che kubʼij «Ri kkichomaj jujun winaq» (F).
UROX
Ri e kʼutunem kekʼis rukʼ «Ri xqetaʼmaj» y «¿La knaʼtaj chawe?» (G). Chatzʼibʼaj ri qʼij che xakʼis ri kʼutunem. Y chuxeʼ ri «Chabʼanaʼ wariʼ» kubʼij chawe ri rajawaxik kabʼano rech knimar ri akojonik (H). Chuxeʼ ri «Chawilaʼ chi nikʼaj» (I) kʼo jujun videos y kʼutunem re nikʼaj chi wuj che katkunik kawilo.
¿Jas kabʼan che uriqik jun texto pa ri Biblia?
Pa ri Biblia kʼo 66 wuj. Y jachom uwach pa kebʼ partes: ri nabʼe are ri Escrituras Hebreoarameas y ri ukabʼ are ri Escrituras Griegas Cristianas. E jujun winaq kkibʼij Antiguo Testamento y Nuevo Testamento che.
Rech katkunik kasikʼij jun texto pa ri Biblia, nabʼe, kʼo ri ubʼiʼ ri wuj (A), tekʼuriʼ kʼo jun número che kukʼut ri capítulo (B), y kʼo chi ri alaj taq números che kukʼut ri versículo o ri versículos (C).
Jun kʼutbʼal, Juan 17:3 kraj kubʼij «ri wuj re Juan capítulo 17, versículo 3».
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
