¿Familiacuna cushilla causachun Bibliaca ayudanchu?
Bibliaca caitami yachachin
Ari. Bibliamanta cai alli consejocunami achca familiacuna cushilla causachun ayudashca:
Leypi mandashca shinami cazarana. Shuj cꞌari shuj huarmi cazarashpaca huañuna horascama ishqui causangapajmi ari ninacuncuna. Shinami familiacunaca cushilla causanga (Mateo 19:4-6).
Cꞌuyaita, respetota ricuchina. Cazarashcacunaca cusa cashpa huarmi cashpa allita tratachun munashpaca cada unomi shujtajta alli tratana can (Mateo 7:12; Efesios 5:25, 33).
Pꞌiñarishpa rimanamanta jarcarina. Cusa o huarmi imata rurashpa o imata nishpa llaquichijpipish siempremi cꞌuyaihuan, alli shimicunahuan parlana can (Efesios 4:31, 32). Proverbios 15:1-pica cashnami nin: “Sumajta cutichishca shimica, pꞌiñarishcatapish anchuchinmi. Ashtahuanpish maipish cachun rimashca shimica ashtahuan pꞌiñachinllami”.
Cusamanta, huarmimanta mana caruyana. Cusa huarmicunaca paicunapurallami cꞌuyaita ricuchina can, chayarinacuna can. Mana pi shujtajhuanchu chaita rurana can (Mateo 5:28). Bibliapica caitami mandan: “Cazaranaca tucuicuna alli nishca cachun. Paicuna chayarinacunapish chuya cachun” (Hebreos 13:4).
Huahuacunata cꞌuyaihuan huiñachina. Yaya mamacunaca huahuacuna tucui nishcataca mana cuna, mana ruranachu can. Shinallataj mana maipish cachun llaquichinachu can (Proverbios 29:15; Colosenses 3:21).
Puede que también le interese
CAMBAJ FAMILIACA CUSHILLAMI CAUSAI TUCUN
Cusandij huarmindij cushilla causangapajca Diosta mashcaichij
Cusandij huarmindij alli causangapajca ishqui alli tapuicunami ayudai tucun.
CAZADOCUNA, FAMILIACUNA
Cazadocuna cushilla causangapajca: Cꞌuyaita ricuchinacuichij
Cazadocunaca trabajomanta, shaicushca cashcamanta o imapi yallitaj ocuparishcamantami caruyai tucuncuna. Cutin cꞌuyaita ricuchingapajca ¿imatataj rurana can?
ÑUCANCHIJTA RIJSI
Quiquinta visitachun mañai
Bibliamanta can charishca tapuita cutichichun mañai o testigo de Jehovacunamanta ashtahuan yachai.