YACHAI 26
¿Imamantataj sufrinchij?
Shuj llaqui tiyajpica achca gentecunaca: “¿Cai llaquica imamantataj tiyan?” nishpami tapurincuna. Biblia cai tapuita cutichijta yachashpami cushilla sintirinchij.
1. ¿Cai mundopi millai ruraicuna tiyai callarichunca Diabloca imatataj rurarca?
Diabloca gentecunata mandasha nishcamantami Diospaj contra tucurca. Chaipajca Evaman llullacunata nishpami pandachirca. Chashnami Adanpish Evapish Diospaj contra tucurcacuna (Génesis 3:1-5). Yaya Diosca alli cosascunamantami jarcacun, paita mana cazushpaca allimi causanguichij nishpami Diabloca Evataca pandachirca. Diabloca Evaman mana huañunguichijchu nishpami punta llullata nirca. Chaimantami Bibliapica Diablotaca ‘llullata callarichij cashcamantami llullapaj yaya’ nin (Juan 8:44).
2. ¿Adán y Evaca imatataj rurarcacuna?
Jehová Diosca, Adantapish Evatapish Edén huertapi yuracunamantaca micui tucunguichijmi. Pero shuj yuramantaca amataj micunguichijchu nircami (Génesis 2:15-17). Chashna mandajpipish Evaca ‘ama micunguichij nishca yuramantami micurca. Paipaj cusamanpish cararca’ (Génesis 3:6). Chashnami paicunaca Diosta mana cazurcacuna. Paicuna jucha illaj cashcamantami allita ruranaca jahualla carca. Pero yachashca jahuami Diosta mana cazurcacuna. Juchata rurashpami Dios paicunata mandachun ña mana munashcata ricuchircacuna. Chashna decidishcamantami Adán y Evaca jatun llaquipi urmarcacuna (Génesis 3:16-19).
3. ¿Adán y Eva Diosta mana cazushcamantaca ñucanchijhuanpish imataj tucurca?
Adán y Eva Diosta mana cazushcamantami juchayuj tucurcacuna. Ñucanchijpish paicunapaj huahuacuna cashcamantami juchayuj tucushcanchij. Adanmanta parlashpaca Bibliapica: “Shuj runallamantami juchaca, cai pachamanca yaicurca. Chai juchamantami huañuipish yaicurca. Chashnami tucuicuna juchallishcamantaca, huañuica tucui runacunaman shamurca” ninmi (Romanos 5:12).
Shinashpaca ¿imamantataj sufrinchij? Huaquinpica ñucanchijllataj mana alli decisioncunata japishcamanta o shujtajcunapish mana alli decidishcamantami sufrinchij. Cutin maipica mana cana cashca lugarpi o mana cana cashca horaspi cashcamantami llaquicunaca japin (Eclesiastés 9:11-ta liyipai).
ASHTAHUAN YACHAI
Cai mundopi llaquicuna tiyashcamanta Yaya Diosta imamanta mana juchachina cashcata, ñucanchij llaquicunahuan cajpi Dios ima shina sintirishcatami ricushun.
4. Llaquicunamantaca Diosca mana culpata charinchu
Achca gentecunaca Yaya Diosmi cai mundotaca mandacun nishpami yuyancuna. Pero ¿chaica ciertochu can? VIDEOTA ricui.
Lamentaciones 3:33; 1 Juan 5:19-ta, liyipai, NWT. Qꞌuipaca cai catij tapuitami yachashun:
-
¿Tucui llaquicunamantaca Dioschu culpata charin?
5. Diablo mandacushcamantami cashna causanchij
Génesis 3:1-6-ta liyipai. Qꞌuipaca cai catij tapuicunatami yachashun:
-
¿Diabloca ima llullatataj Evamanca nirca? (Génesis 3:4 y 5-ta ricui).
-
¿Jehová Dios gentecunaman alli cosascunamanta jarcashcataca Diabloca ima shinataj crichirca?
-
¿Cushilla causangapaj Jehová mandachun mana minishtishcataca Diabloca ima shinataj crichirca?
Eclesiastés 8:9-ta liyipai. Qꞌuipaca cai catij tapuitami yachashun:
-
¿Cai mundota Jehová Dios mana mandacushcamantaca gentecunaca ima shinataj causancuna?
-
Adán y Evaca jucha illajmi carca. Edén nishca huertapimi causajcuna carca. Diablota uyashcamantami Diospaj contra tucurcacuna.
-
Adán y Eva Diosta mana cazushcamantami tucuicuna juchayuj tucurcanchij. Chaimantami llaquicuna, huañuipish tiyan.
-
Jehová Diosca juchatapish, llaquicunatapish, huañuitapish ñallami tucuchinga. Tucuicunami jucha illaj tucushpa paraíso Allpapi causashun.
6. Ñucanchij llaquita apacujpica Jehová Diospish llaquillami sintirin
¿Ñucanchij sufricujpica Yaya Diosca llaquirinchu? Caimanta rey Davidpish, apóstol Pedropish ima quillcashcata ricushun. Salmo 31:7 y 1 Pedro 5:7-ta liyipai. Qꞌuipaca cai catij tapuitami yachashun:
-
¿Ñucanchij llaquicunahuan cajta ricushpaca Jehová Dios preocuparishcata yachashpaca ima shinataj sintiringui?
7. Yaya Diosca tucui laya llaquicunatami tucuchinga
Isaías 65:17 y Apocalipsis 21:3, 4-ta liyipai. Qꞌuipaca cai catij tapuitami yachashun:
-
Jehová Diosca gentecuna charishca tucui laya llaquicunata tucuchishpaca sumaj causaitami cunga. ¿Chaita yachashpaca ima shinataj sintiringui?
¿Caita yacharcanguichu?
Evaman llullashpami Diabloca Jehová Dios mana alli mandaj cashcata crichirca. Chashnami Diospaj shutitaca yangapi churarca. Ñallami Jehová Diosca gentecuna charishca tucui laya llaquicunata tucuchishpa paipaj shutita jatunyachinga. Paipaj shutita jatunyachishpaca pai alli mandaj cashcatami ricuchinga. Diospaj shutita jatunyachinami tucuimanta ashtahuan valishca can (Mateo 6:9, 10).
HUAQUINCUNACA: “Diosca llaquicunahuan causachunmi munan” nincunami.
-
¿Quiquinca imatataj ninguiman?
YUYARISHUNCHIJ
Diablomanta, Adán y Evamantapishmi cai mundopica llaquicunata charinchij. Llaquicunahuan cajta ricushpaca Jehová Diosca yallitaj llaquillami sintirin. Chaimantami llaquicunataca ñalla tucuchinga.
Yuyaringapaj tapuicuna
-
¿Diabloca Evata ima nishpataj pandachirca?
-
¿Adán y Eva Diosta mana cazushcamantaca ima shinataj causanchij?
-
¿Llaquicunahuan cajta ricushpaca Jehová Diosca llaquirinchu? ¿Imamantataj chashna ningui?
CAICUNATAPISH RICUI
Bibliapi juchamanta ima nishcata yachai.
Edén nishca huertapi Diablo, Adantapish Evatapish ima shina pandachishcata ashtahuan yachai.
“¿Diosca imamantataj llaquicuna tiyachun saquin?” (Huillaj, 1 de enero de 2014)
Cai catij tapuicunata Biblia ima shina cutichishcata yachai.
Achca llaquicunata charij runa ima shina cushilla causaita charishcata yachai.
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
