Alli yachachingapajca Diosta mañashpami alli prepararina cangui. Shinallataj imata parlagrishcatami alli intindina cangui. Mana imatapish de memoria ninachu cangui, cambaj propio shimicunapimi parlana cangui.

Shungumanta parlanata yachai. Rijtota shayarishpami cushilla ñahuihuan parlana cangui. Shinami paicunahuan parlanata munashcata, can yachachicushcapish importante cashcata ricuchingui.

Ñahuita ricushpa parlai. Shuj conferenciata cucushpaca mana jahuata, pambata ricushpachu parlana cangui. Ashtahuanpish cada unota ricushpami parlana cangui.