¿Testigo de Jehovacunaca ima peliculata mana ricunata, ima musicata mana uyanata, ima librota mana liyina cashcatachu shuj listapi charin?
Ñucanchij organizacionca ima película, ima música, ima libro alli cashcata o mana alli cashcataca mana ninchu. ¿Imamanta?
Bibliapica: ‘Tucuicuna ima alli cashcatapish, ima mana alli cashcatapish agllana yuyaita charichun’ ninmi (Hebreos 5:14).
Ima peliculata ricunata, ima musicata uyanata, ima librota liyinata alli agllangapajca Bibliapi ricurij consejocunami ayudanga. a Ñucanchij causaipi imata ruracushpapish siempremi Efesios 5:10-pi ima nishcata pajtachisha ninchij. Chaipica: ‘Amitopaj ñaupajpi cancunapaj rurashcacuna alli cashcatapish, mana alli cashcatapish ricuraichij’ ninmi.
Familiata pushajcunamanmi Diosca autoridadta cushca. Chaimantami paicunaca huasi ucupi causajcuna huaquin ruraicunata ama rurachun jarcai tucuncuna (1 Corintios 11:3; Efesios 6:1-4). Shinapish congregacionpica ni pi shuj película, shuj música o shuj artista alli cashcata o mana alli cashcataca mana ni tucunchu. Ni maijan caita ricunaca allimi, chaita uyanaca allimi o mana allimi nishpaca mana ni tucuncunachu (Gálatas 6:5).
a Por ejemplo, Bibliapica brujiana, huainayana, shujtajcunata llaquichina mana alli cashcatami nin. Chaimantami chai rurachij cosascunata mana alli cashcamantaca mana ricuna canchij (Deuteronomio 18:10-13; Efesios 5:3; Colosenses 3:8).
Puede que también le interese
DIBUJOCUNAHUAN YACHASHUN
Videojuegocunata pugllagrishpaca alli yuyari
Videojuegocunahuan pugllanaca allimi can. Pero mana cuidadota charishpaca llaquipimi urmai tucungui. ¿Videojuegocunata pugllagrishpaca imatataj yuyarina cangui?
BIBLIAMANTA YACHAICUNA
Cai publicacionhuan Bibliamanta yachai
Shuj yachachijhuan Bibliamanta gratis yachai.