¡RIPARARUS ASHUNCHI!
¿Mundialbi fútbol pujllana runaunara sirtu pacha gunlla causangaj yanapanzhu? | Biblia caimanda ¿imara nin?
FIFA nishca puruntushca Copa Mundial pujllanara 5.000 millón runauna ricununga, cai pujllana anga 20 de noviembre al 18 de diciembre de 2022. Ashca runauna quirinun cai tunu pujllanauna runauna gunlla causangaj yanapan mana chi pujllanauna ricushca hurasllai.
Sudáfrica llactamanda ñaupa presidente Nelson Mandela nica: “Pujllanauna mundura turcangaj ushaira charinmi, mas rurangaj munairas cun shinallara shuj cosas ruranamanda runauna mas gunlla causangaj ushaira charin”.
FIFA a presidente Gianni Infantino nica: “Fútbol pujllana […] tucui tunu runaunara gunlla causangaj yanapan chapanara, cushiyanara, llaquinaras cusha.
¿Mundialbi fútbol pujllana shuj pujllanaunas shina yanapana ushan? ¿Shu chapana tianzhu gunlla, ganaslla causaira charingaj?
¿Gunlla causangaj yanapan?
Cai huata mundialbi fútbol pujllana mana pujllangajlla valishca. Astaumbas cai pujllanauna tiashcamanda runauna politicogunas paigunapura rimanunun runauna dirichuunamanda, shuj llactaunamanda runaunara chijninamanda cullqui pishishcamandas.
Shina ashas ashca runauna iyanun cai tunu pujllanauna cushira sintichingaj yanapan. Shinajpi cai pujllanauna sirtu cushi, ganaslla causaira mana cuna ushan. Maspas cai tunu pujllanauna runaunara rurachin, iyachin chicanyachingaj. Biblia ña rimaca runauna “puchucai timpuunai” casna ana ashcara (2 Timoteo 3:1-5).
¿Imara runaunara sirtu gunlla causanuchu yanapanga?
Biblia intiru mundui runauna gunlla causanamanda sirtu chapanara cun. Ahua pacha ‘Diospa mandana’ intiru mundui mandajpi tucui runauna gunlla causanunga (Lucas 4:43; Mateo 6:10).
Chi Reinomanda rey apu, Jesucristo an, pai intiru mundui ganaslla causai tiachu ruranga. Biblia casna nin:
“Ali runa sisayanga, ganaslla causai tiangami” (Salmo 72:7).
“Yanapaimanda pugri caparijta pai quishpichingami [...]. Llaquichinamanda, macanunamandas paigunara quishpichingami” (Salmo 72:12, 14).
Cuna punzhaunai 239 llactaunai partiunais Jesús yachachishcauna huaranga huaranga runaunara yanapashca gunlla causanuchu, shinallara chijninara saquinuchu. Caimanda mas yachangaj “Rompamos el ciclo del odio” nishca temagunara leangui.
a Federación Internacional de Fútbol Asociación nishca intiru mundui fútbol pujllana asociaciongunara mandaj an.
Cai temagunaras leana munanguichari
ENSEÑANZAS IMPORTANTES DE LA BIBLIA
Diospa Reino ¿imara an?
Jesús Diospa Shimimanda yachachisha puriushcaiga Diospa Reinomandami mas yali yachachica. Ñaupa huatamanda cunangama, Jesusta ali catijcuna oraciombi mañanushca chi Reino shamuchu nisha.
ÑUCANCHIMANDA
Bibliamanda yachanara mañai
Pasiachu mañai Jehovahuaj testigogunahua Bibliamanda shu temara yachangaj shinallara Bibliamanda gratis yachangaj mañana ushangui jw.org paginai tiaj formulariora quillcasha.
