KAY chilliku kaqllaña saltamontepa rinrinqa llumpay uchuychallam, ichaqa yaqa runa hinam uyarikun. Chay rinrinwantaqmi karupi kaqkunatapas uyarin. Atintaqmi uyariyta karupi saltamontekuna waqaptinkupas chaynataq mikuqnin mazo urutapas.

Kaypi yuyaymanay: Saltamontekunapa rinrinqa punta kaq chakinpim tarikun. Chay rinrinwanmi ima kasqantapas musyakun. Yachaysapa runakunam kay urupa rinrin ukupi tarirunku yakuyoq globota hina. Kay rinriqa wakin animalkunapa rinrin hinam llamkan, ichaqa llumpay uchuychallam. Chayna kasqanmi ancha admirakuypaq.

Colombia nacionniyoq Montealegre Zapata yachaysapa runam Lincoln (Reino Unido) universidadpi llamkan, paymi nin: “Kayqa imataña uyarinapaq aparatokunata ruwanapaqmi yanapakunqa”, nispa. Yachaysapa runakunaqa piensachkankutaqmi runapa mana uyariy atisqanta, astawanraq uyarinapaq aparatokuna ruwaytapas.

¿Imatam piensanki? ¿Kikillanmantachu rikurirqa saltamontekunapa rinrinqa, icha unanchasqachu karqa?