Salmos 65:1-13
Takiqkunata pusariqpaq. Davidpa takin.
65 Diosnilláy, jatunchayniykiqa Sionpin kashan.+
Qanman llapa promesa ruwasqaykutan junt’asaqku.+
2 Qanqa mañakusqata uyariqmi kanki,qanmanmi imaymana clase runakuna jamunqaku.+
3 Juchaykunan sinchita llakichishawan,+qanmi ichaqa juchayku pampachaq kanki.+
4 May kusisqan ajllakusqayki runaqa,may kusisqan patioykipi tiyananpaq pusamusqayki runaqa.+
Wasiykipi ancha sumaq kaqkunawanmi sajsa kasaqku,+ch’uya temploykipi allin kaqkunawanmi sonqopas sonqo kasaqku.+
5 Mañakamuqtiykun ancha jatun chanin ruwaykunata rikuchiwankiku.+
Salvaq Diosniyku, libraq Diosniyku,qanllapin llapa kay pacha runakunaqa confianku,+qanllapin lamar-qocha chimpakunapi tiyaqkunapas jap’ipakunku.
6 Atiyniykiwanmi orqokunata allinta sayachirqanki,qanqa ancha atiywanmi p’achasqa kashanki.+
7 Lamar-qochaq manchay aytikusqantan, manchay rimarisqantan tiyaykachinki,+chhaynatan nacionkunaq ch’aqwasqantapas upallachinki.+
8 Karu llaqtakunamanta runakunan admirasqa kanqaku,manchakuy ruwaykuna ruwasqaykiwanmi admirakunqaku,+inti lloqsimuy ladomanta inti jaykuy ladokaman qanmanta kusisqa qaparinqaku.
9 Qanmi jallp’ataqa sumaqta qhawarinki,allin jallp’amanmi, wanusapamanmi tukuchinki.+
Diospa mayunqa junt’an suchushan.
Qanmi runakunapaqqa mijuyta wiñachinki,+chhaynatan kay pachataqa kamasqanki.
10 Wachunkunatan unuwan qarpanki,yapusqa* k’urpakunatan pampachanki,pampakunatan parawan allinta pasachinki,phutumuq mijuykunatan sumaqta wiñachinki.+
11 Watakunamanmi sumaq sonqo kayniykita coronata jina churanki,ñanniykikunapas may sumaqpunin kashan.+
12 Ch’in ladokunapas may munaypunin kashan,+moqo-moqokunapas kusikuywanmi p’achasqa kashan.+
13 Pasto pampakunan uywakunawan junt’a kashan,wayq’o-wayq’okunan mijuykunawan mast’arisqa kashan.+
Llapaykichis kusikuymanta qapariychis, llapaykichis takiychis.+
Uraypi willakuykuna
^ Yapuytaqa “chajmay, aray” nillankutaqmi.
