Allinpunin Bibliamanta yachayqa
Manan ima librotapas Bibliata hina Hallp’antinpi rakikurqanchu. ¿Leerqankichu hayk’aqllapas Bibliata? Ñawpa tiempomantaraqmi Bibliata estudiaq runakuna thak-kayta, sumaq suyakuyta tarirqanku, kawsayninkupipas yanaparqanmi. Ichaqa manaraqmi llapa runakunachu Bibliata leenku, wakintaq astawan yachayta munashanku. Qanpas yachayta munashanki chayqa, kay folleton yanapasunki Bibliaq yachachisqanta entiendenaykipaq.
MANARAQ Bibliata leeshaspan yachananchis imayna ruwasqa kasqanta. Bibliatan nikun Diospa Simin Qelqa nispa, 66 librochakunapin t’aqasqa kashan, Génesis librowanmi qallarin Apocalipsis librowantaqmi tukun.
¿Pin Bibliata yuyaycharqan? Tukuy atiyniyoq Jehová Diosmi. 40 runakunan 1600 watakuna ukhupi qelqarqanku. Ichaqa manan yuyaynillankumantachu qelqarqanku. Paykunamanta hukninmi nirqan: “Diospa Simin Qelqakunaqa llapallanmi Diospa yuyaychasqan”, nispa (2 Timoteo 3:16). Huknintaq nirqan: “Señor Diospa Espiritunmi ñoqanta riman, siminkunan simiypi kashan”, nispa (2 Samuel 23:2). Arí, Diosmi Bibliata qowarqanchis paymanta yachananchispaq.
¿Imamantan Biblia yachachin? Diospa Gobiernon hanaq pachapi takyachisqa kananmanta; chay Gobiernon rikuchinqa Dioslla kamachinanpaq derechoyoq kasqanta. Qatimuq paginakunapin yachanki Génesis libromanta Apocalipsis librokama Diospa Gobiernonmanta willasqanta.
Kallpachaykikun kay folletoq yanapayninwan Bibliata estudiasqaykiman hina chay yachachikuypi yuyaykunaykipaq.
^ párr. 9 Kay folletopin fechakunamanta rimaspa rikhurinqa m.J.h. nisqa, chayqa manaraq Jesús hamushaqtin ninanmi. J.h.q. nisqataq Jesuspa hamusqan qhepata ninanta nin. Chaykunan sapanka paginaq uranpi rikhurinqa.
Astawan yachanaykipaq
NOQAYKUMANTA
¿Imaraykun Bibliata estudianayki?
Pachantinpi runakunaq imaymana tapukusqankuta Bibliaqa kutichin. ¿Manachu qanpas tapukuyniykikunaq kutichiyninta tariyta munawaq?
