Jesusqa ñan willaranña “Diospa gobiernon qayllaykamushasqanta” (Lucas 21:31). Chaymantapas nillarantaqmi, guerrakuna, jatun terremotokuna, yarqaykuna, millay onqoykuna kananmantapas, chaykunataqa ñan rikushanchisña (Lucas 21:10-17).

Bibliaqa willallarantaqmi ‘tukukuy p’unchaykunapi’ runakunaq gobiernasqanpi mana allin runakuna kanankuta. 2 Timoteo 3:1-5 textoq nisqanman jinan kay tiempopi runakunaqa kausashanku. a

¿Imaraykun chhayna kashan? Pisi tiempollamantan Diospa gobiernon millay kausayta tukuchinqa, jinan kay pachapi sumaq kausay kanqa (Lucas 21:36). Bibliapin Dios niwanchis kay pachapi runakunarayku allinkunata ruwananta. Chaymanta astawan yachasun.

Jesusqa “rey kananpaq churasqan karan, llapa llaqtakunan, jatun suyukunan, ima rimaytaña rimaqkunapas payta servinanku karan. Kamachikuyninqa wiñaypaq kamachikuymi, manan jayk’aqpas tukukunqachu, munaychakuyninqa mana qolluchinan kanqa” (DANIEL 7:14).

Imatan chaywan nishan. Jehová Diosmi juj gobiernota churan, chaypin Jesús kamachikunqa. Chaypiqa wiñaypaqmi kusisqa kausasun.

“Manan mayqellanpas: ‘Onqosqan kani’ ninqakuchu” (ISAÍAS 33:24).

Imatan chaywan nishan. Manan pillapas jayk’aqpas onqonqañachu. Chhaynapin mana jayk’aqpas wañusunchu, aswanpas wiñaypaqmi kausasunchis.

“Paymi teqsimuyuntinpi awqa-tinkuykunata (otaq guerrakunata) qolluchin” (SALMOS 46:9).

Imatan chaywan nishan. Kay pachapiqa manañan guerrakuna kanqañachu, chayraykun pipas manaña ñak’arinqachu.

“Pisi tiempomantaqa chinkapullanqan millay runakunaqa [...]. Llamp’u sonqokunan ichaqa kay allpata chaskinqaku” (SALMOS 37:10, 11).

Imatan chaywan nishan. Manan millay runakunaqa kanqakuñachu, Diosta kasukuq runakunallañan kay pachapiqa tiyanqaku.

“Wasitan wasichanqaku, Jinaspan chaykunapi tiyanqaku, uvastan plantanqaku, chaypa rurusqantan mijunqaku” (ISAÍAS 65:21, 22).

Imatan chaywan nishan. Kay pachaqa munay huertan kapunqa. “Munayniyki kay pachapi ruwakuchun” nispa Diosmanta mañakusqanchisqa junt’akunqan (Mateo 6:10).