Askha runakuna sapa kuti Diosmanta mañakunku, wakin Diospi mana creeq runakunapas mañakunkun. Ichaqa, ¿imaraykun chayta ruwanku? Francia nacionmantan askha runakuna nisqanman hinaqa “allinta sientekunallankupaqmi” mañakunku. Europa ladomanta huk nacionkunapi runakunapas manan Diosman asuykunankupaqchu mañakunku, aswanpas “sonqonkupi thak sientekunankupaqmi”. Wakin Diospi creeq runakunataq ñak’ariypi tarikuspalla Diosmanta mañakunku, usqhaylla kutichimunantataqmi munankupas (Isaías 26:16).

Qanri, ¿ima ninki? ¿Allin sientekunallapaqchu mañakuna? Diospi creenki chayqa, ¿reparankichu mañakusqaykiman Dios kutichimusqanta icha manachu? Mañakuyqa manan allinta sientekunapaqchu, aswanpas Diosmanmi asuykachiwanchis, chaytan Biblia sut’ita willan.