LECCIÓN 55
Quiquinba congregacionbi ayudapangui
Mundo enteropica ashtaca ashtaca congregaciongunami tian. Chai congregaciongunapimi ashtaca millón gentecuna Jehová Diostaca cushilla sirvinajun. Paicunaca Jehová Diospa organizacionbi instrucciongunata cushilla chasquishpa, cazushpami congregaciongunapica cushijushpa ayudan. ¿Quiquinbashchu quiquinba congregacionbica shinallata cushilla sintiripangui?
1. ¿Imashinata quiquinba congregacionbica quiquinba tiempota y fuerzasta cushpa apoyaita ushapangui?
Tucuicunallatami congregacionbica ayudaita ushapanchi. ¿Talvez quiquinba congregacionbica mayorlla o irquilla huauquipanicuna tiapanllu? ¿Chai huauquipanicunata tandanajuicunaman pushangapaj, comprascunata rurangapaj o paicunapa huasipi shuj shuj cosascunata rurashpa ayudaita ushapanguichu? (Santiago 1:27, liipangui). Shinallata Salón del Reinota limpiangapapashmi tiempoguta llujchita ushapanchi. Caicunata rurangapaca pipash na obliganllu Jehová Diosta y huauquipanicunata juyaimandami caicunataca ñucanchi munai rurapanchi (Salmo 110:3).
Bautizarishca testigo de Jehovacunaca congregacionbi ashtahuan ayudana oportunidadtapashmi charin. Por ejemplo Bibliapi tiashca requisitocunata pactachij huauquicunaca congregacionbica siervo ministerial cashpa, tiempohuanga anciano tucushpami ayudaita ushan. Shinallata tanto huauqui o panicunapashmi precursor cashpa villachinapica ashtahuan ayudaita ushan. Shinallata huaquingunaca Salón del Reinocunata huasichishpami ayudan. Cutin huaquingunaca ayudachun minishtijuj congregaciongunata apoyangapami shuj pushtucunaman causangapaj rin.
2. ¿Imashinata congregaciondaca ñucanchi culquiguhuan y shuj cosasgucunahuanbash ayudaita ushapanchi?
Bibliapica ‘can charishca cosasgucunata carashpa, Mandaj Diosta alicachingui’ ninmi (Proverbios 3:9). Ñucanchicunaca congregacionda apoyangapaj y mundo enteropi predicación ñaupaman catichunga cushijushpami culquigutaca caranchi. (2 Corintios 9:7, liipangui). Shinallata llaqui apashca huauquipanicunata ayudangapapashmi ñucanchi churashca contribuciongunataca utilizan. Ashtaca huauquipanicunaca contribucionda cungapami culquigutaca shican churashpa alichin (1 Corintios 16:2, liipangui). Ñucanchi contribuciongunataca Salón del Reinocunapi tiashca cajagucunapimi churaita ushapanchi, na cashpaca donate.ps8318.com paginapipashmi contribuciongunataca cachaita ushapanchi. Ñucanchi charishca cosasgucunata Jehová Diosman carashpami Jehová Diosta juyashcata ricuchina oportunidadtami charipanchi.
ASHTAHUAN YACHAJUPASHUNCHI
Cunanga quiquinba congregacionbi imashina apoyai ushashcatami yachajupashun.
3. Ñucanchi charishca cosasgucunata cushpa ayudapashun
Shungumanda cushijushpa carajcunatami Jehovapash, Jesuspash ninanda juyan. Lucas 21:1manda 4caman liishpa, cai tapuicunata contestapangui:
-
Jehová Diosta cushichingapaca ¿ashtaca culquitachu contribucionbica churana minishtirin?
-
Shungumanda contribucionbi culquiguta churajpica Jehová Diospash, Jesuspash ¿imashinashi sintiringa?
Contribución culquiguta imashina utilizajta yachangapaca, VIDEOTA ricushpa, cai tapuita contestapangui:
-
Contribución culquigumandaca ¿imashinata mundo enteropi congregaciongunaca beneficiarishca?
4. Ashtahuan ayudangapapash tiempota llujchipai
Bibliapica punda tiempopi Jehová Diosta sirvijcunaca culquita cushpallaca na apoyanllu carca. Ashtahuangarin Jehová Diosta adorana huasicunata cuidashpa, arreglashpapash apoyan cashcatami nin. 2 Crónicas 34:9manda11caman liishpa, cai tapuita contestapangui:
-
¿Taita Diospa huasita cuidangapaca ¿imatata israelitacunaca rurarca?
Testigo de Jehovacuna cai ejemplota imashna catijta yachangapaca, VIDEOTA ricushpa, cai tapuita contestapangui:
-
Salón del Reinotaca ¿imamandata limpio y arreglashca charina capanchi?
-
¿Imashinata quiquinga ayudaita ushapangui?
5. Huauquicunaca ashtahuan responsabilidadcunata charingapami esforzarita ushan
Bibliaca huauquicunata espiritualmente ashtahuan shinlli tucushpa congregacionbi ashtahuan ayudachunmi animan. Shuj huauquigu chaita pactachingapaj imata rurashcata yachangapaca, VIDEOTA ricushpa, cai tapuita contestapangui:
-
Espiritualmente shinlli cangapaj y congregacionbi ashtahuan ayudangapaca ¿imatata Ryanga rurarca?
Siervo ministerial y anciano tucungapaj ima requisitocunatalla pactachina cashcatami Bibliapica ricuchin. 1 Timoteo 3:1manda 13caman liishpa, cai tapuicunata contestapangui:
-
Siervo ministerial y anciano tucungapaj munaj huauquigucunaca ¿imatata rurana can?
-
Paicunapa familiacunapash ¿imatata rurana can? (Versículos 4 y 11ta, ricupangui).
-
Huauquigucuna cai requisitocunata pactachingapaj esforzarijpica congregacionga ¿imashinata beneficiarin?
HUAQUINGUNACA, “Testigo de Jehovacuna paicunapa ruraicunata pactachingapaca ¿maimandashi culquitaca llujchin?” ninmi.
-
Shina tapujpica ¿imashnashi contestapanguiman?
YARINGAPAJ
Congregacionda ayudangapaj ñucanchi tiempota, fuerzasta, contribución culquiguta cushpa ayudajpica Jehová Diosca ninandami cushijun.
¿Imatata yachajupashcanchi?
-
¿Imashinata congregaciondaca ñucanchi tiempohuan y fuerzashuan ayudaita ushapanchi?
-
Congregaciondaca ¿imashinata ñucanchi culquiguhuan y charishca cosasgucunahuanbash apoyaita ushapanchi?
-
Congregaciondaca ¿imashinata ayudangapaj munapanguiman?
CAITAPASH RICUPAI
Taita Dios diezmota cuchun imamanda ñana mandajta ricupai.
“Bibliapica ¿imatata diezmota cunamandaca nin?” (jw.org paginapi ricupangui)
Bibliapica jaricuna huaquin responsabilidadcunata charishcatami yachachin. Pero huarmigucuna chai responsabilidadcunata pactachina tucujpica ¿imatata rurana can?
“¿Ancianocunaca ¿imacunatallata pactachina can?” (Villajun revista, febrero de 2021)
Shuj huauquipanicunapash publicaciongunata charichun huaquin huauquicuna imashna esforzarijta ricupai.
Congo llactapipashmi Bibliamanda publicaciongunata saquinajunchi (4:25)
Testigo de Jehovacunaca mundo enteropi villachingapaca ¿imashinata culquitaca tandachin?
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
