11 YACHANA PARTI

Imasata Bibliata gustuta leisha estudiana ushangui

REPRODUCIR EN

Ashcata tarabangahua callarishaga manachu sambayashca sintiringuima. Cai tarabana mana sinzhi achunga, ansa ansa tarabasha catingahua chaupingui. Bibliata leinaga chi tarabana cuinta man. Chasna acpihuas, tapuringuichari: “Imasata callarisha”. Cai yachana partibiga, imasa Bibliata leisha, estudiasha, cushi sintirina ashcata ricushun.

1. Imahuata Bibliata caran punzha leina anchi

Caran punzha Bibliata o ʻJehova mandashcagunataʼ leicca cushillami causanga (Santiago 1:25ta leipai). Callaringahuaga, Bibliata caran punzha ansallata lei. Diospa shimita mas ricsishaga, leinata masmi gustangui.

2. Bibliata alita intindisha leingahua imata yanapaitucungui

Bibliata alita intindisha leingahua, imata leiushcata alita riparasha yuyana manchi. Bibliataga mana leinalla chanchi. Astahuanga, Bibliaibi yachashcamanda “alita riparasha tapurishunchi” (Josue 1:8). Leiushaga, cai tapuigunata canllata rai: “Cai Bibliamanda versiculogunaga, imatata Jehovamanda yachachihuan. Imasata ñuca causaibi caitaga pactachinata ushani. Imasata cai textogunahuan shuccunata yanapasha”.

3. Imasata Bibliata leingahua lugarta surcuna ushanchi

Bibliata leingahua lugarta charina cambaraicu sinzhi chan. Maicangunaraicu lugarta charinaga sinzhi man. Chasna ashahuas, “tucui uras alita rasha” causana anchi (Efesios 5:16). Caran punzha Bibliata leingahua, tiempota surcui. Maicangunaga tutamanda, chishibi, micushca huasha samaushcai, Bibliata leinaun. Shuccunaga tuta, chara mana puñushallata leinaun. Canga, ima uraspishi leinata ushangui.

CAIMANDA MASTA YACHAI

Bibliata leina mas gustu achun imata rana ashcata ricushun. Caibiga, Bibliata yachausha alita intindingahua, ashca yanapaigunata tupanchi.

Shuc micunata camasha gustangahua callariranchi. Chasnallatami, Bibliata ansa ansa leishaga gustangahua callaritucunchi.

4. Bibliata gustuta leingahua imata rana ashcata yachai

Bibliata leisha callaringahuaga sinzhi man. Chasna acpihuas, shuc micunata camasha gustangahua callarishca shina, Bibliata leisha catishaga gustangahua callaritucunchi. 1 Pedro 2:2, 3ta leichi, huasha cai tapuimanda cuintanacuichi:

Caran punzha Bibliata leishaga, mas leina munaita charinata ushanguichu.

Cai VIDEOIBI, maican maltaguna Bibliata leina munaita charingahua imata rashcata ricuichi. Huasha, cai tapuigunamanda cuintanacuichi:

VIDEO: Diospa Shimita llaquic maltaguna (5:33)

Videoibi ricushca maltagunaga, caran punzha Bibliata leingahua imata ranaura.
Bibliata leinata mana saquingahua imata yanapara.
Bibliata leina paigunaraicu mas gustu achun imata ranaura.

Bibliata leisha callaringahua caita rai:

Intindibaglla shimima pasachishca Bibliata mascai. Traducción del Nuevo Mundo nishca Biblia, camba shimibi tiacpiga leipai.
Bibliamanda can gustashca partita leisha callari. “Bibliata leingahua callarina” nishca recuadrota ricui.
Maigama leishcata pintasha saqui. “Maigama Bibliata leishcata pintai” nishca recuadrota ricui.
JW Library^®aplicacionda utilizai. Camba telefonoibi o tabletpi churashaga, maibi aushahuas, Bibliata leinata ushangui o Bibliamanda grabashcata uyanata ushangui.
Traduccion del Nuevo Mundo Bibliaibi punda partibi, tucuri partibi tiacta ricui. Chibi, mapagunata, recuadrogunata tupangui. Chita ricushaga, Bibliata gustutami leingui.

5. Bibliamanda yachangahua alichiri

Salmo 119:34ta leichi, huasha cai tapuimanda cuintanacuichi:

Bibliata mana leishallata, Bibliamanda estudiangahua ñaupata alichirisha, imahuata Dioshuan punda cuintana anchi.

Cai libroibi caran yachana partita alita estudiangahua imatata rana angui. Caran yachana partita estudiangaraushaga caita rai:

Punda yachana partimanda tucui parrafogunata leipai.
Bibliamanda textogunata mascasha leipai. Ima yachaushcamanda chi textoguna intindichishcata ricui.
Tapuigunamanda respuestata tupangahua maican shimigunata pintai. Caiga, canda yachachic runahuan estudiasha catingahua yanapaitucungui.

Yacharanguichu

Testigo de Jehovagunaga chican chican shimima pasachishca Bibliagunahuan yachachishcanchi. Chasna acpihuas, Traducción del Nuevo Mundo nishca Bibliata mas gustanchi. Caiga pasacta, intindibaglla man. Chimandas, Diospa shutita yachachin (internetpi, jw.org pistuibi caita mascai: “Testigo de Jehovagunaga paigunahua quiquin Bibliatachu charinaun”).

MAICANGUNAGA CASNAMI NINAUN: “Bibliata estudianaga ñucaraicu sinzhi man. Mana tiempota, ni yachana munaitas charinichu”.