Nout bann kroiyans lé toujour bazé dési la Bib. Firmézur nou konpran plis mié bann zékritur, sé pousa nou chanj osi nout bann kroiyans a.

 Nou fé sa pou suiv lo prinsip la Bib ké nou trouv dann Provèrb 4:18 : « Mé lo santié bann domoun droit lé kom la lumièr i éklèr lo matin é k’i éklèr ankor for, juska lo jour fine arivé. » Firmézur solèy i lèv, i fé plis klèr, i èd anou oi an détay la natur otour d’nou. Dan lo mèm fason, tipé tipé Bondié i fé konpran anou la vérité dan la Bib o moman k’i fo (1 Pièr 1:10-12). La Bib lavé anonsé ké Bondié té sar fé an sort, ké nou konpran plis mié bann vérité la Bib, é sa ankor plis dan lo « tan la fin » (Danièl 12:4).

 An vré, si nou aport bann chanjman pou konpran mié la Bib, sa i dévré pa étone anou oubien déranj anou. Bann sèrvitèr Bondié dann tan lontan, navé osi bann fason pansé ké té fo é bann fo lèspoir, é zot té doi chanj zot fason pansé.

•   Moiz té vé sov la nasion Israèl par li mèm, é sa 40 zané avan la dat ké Bondié lavé désidé dan son kalandriyé (Akt 7:23-25, 30, 35).

•   Bann zapot la pa konpri lo profési su la mor lo Mési èk son rézurèksion (Izai 53:8-12 ; Matié 16:21-23).

•   Bann krétien dann tan 1^é sièk, lavé mal konpri kèl moman lo « jour Jéova » té sar arivé (2 Tésalonisien 2:1, 2).

 Plitar, Bondié la korij zot mové fason pansé é nou pri pou ké li kontinié fé parèy pou nou (Jak 1:5).