Razmislin bašo manuša so šunena tut. Te šaj te sikave lenge sočuvstvo, razmislin save problemija isi len. Probin te čhive tut ki lengiri koža.

Birin šukar save lafija ka vakere. Trudin tut te ohrabrine, te utešine e javeren hem te kere pozorali lengiri vera. Ma vaker lafija kolencar so šaj te vredžine e javeren. Ma ker negativno lafi bašo okola so na verujnena ko Jehova ili bašo lengere veruvanja kola so but značinena lenge.

Sikav kaj interesinea tut lenge. Sikav e javerenge kaj čače interesinea tut lenge agjaar so ka kere ljubezno lafi hem ka koristine soodvetna gestija. Taro izraz ko tlo muj valjani te dikhel pe kaj grižinea tut e javerenge. Asa počesto.